Ulttyq Bank SHAŃYRAǴYŃYZ SHATTYQQA TOLSYN kollektsııalyq monetalaryn aınalymǵa shyǵarmaqshy

<p>ASTANA. KAZINFORM &ndash; Qazaqstan Ulttyq Banki &laquo;Júrekten júrekke&raquo; monetalar serııasynan&nbsp;SHAŃYRAǴYŃYZ SHATTYQQA TOLSYN kollektsııalyq monetalaryn aınalymǵa shyǵarady. Bul týraly Ulttyq banktiń baspasóz qyzmeti málim etti.</p>

Málim bolǵandaı, monetalar 2024 jylǵy 3 qazannan bastap QUB-tyń https://kazcoins.nationalbank.kz ınternet-dúkeni arqyly satylady.

«SHAŃYRAǴYŃYZ SHATTYQQA TOLSYN monetasy álemde beıbitshilik ornasyn, ár otbasyna bereke kelsin degen ıdeıany nasıhattaıdy. „Shańyraǵyńyz shattyqqa tolsyn“ — beıbit zamanda tatý-tátti ómir súr, ár otbasynda tynyshtyq bolsyn, jylýlyq uıalasyn dep kúlli adamzatqa aıtylǵan izgi tilek», — delingen habarlmada.

Monetalar kúmisten jasalǵan. Synamasy — 925/1000. Moneta massasy — 31,1 gramm, dıametri — 38,61 mm, nomınaly 1 000 teńgelik, taralymy — 2 000 dana.

Monetanyń beınesi

Kollektsııalyq monetalar Qazaqstan Respýblıkasynyń búkil aýmaǵynda óziniń belgilengen qunyna saı tólemniń barlyq túri boıynsha qabyldaýǵa, sondaı-aq eldiń barlyq bankinde bank shottaryna esepke alýǵa, aýdarýǵa, usaqtaýǵa jáne aıyrbastaýǵa jatady.

Kollektsııalyq monetalar Qazaqstan teńge saraıynda daıyndaldy.

Eske sala keteıik, buǵan deıin Ulttyq bank JOSHY ULYSY. 800 JYL kollektsııalyq monetalaryn aınalymǵa shyǵaratynyn jazǵan bolatynbyz.