Ulttyq bank pen Qarjy naryǵyn retteý agenttigi qaıta birige me

<p>ASTANA. KAZINFORM — Ulttyq bank tóraǵasy Tımýr Súleımenov kezekti baspasóz máslıhatynda Ulttyq bank pen Qarjy naryǵyn retteý jáne damytý agenttigin qaıta biriktirý qanshalyqty qısyndy ekeni jóninde pikir bildirdi.</p>

«Biz eki retteýshi organnyń qurylymy búgingi jaıttarǵa jáne memlekettik basqarýdyń qajettilikterine tolyq jaýap beredi dep esepteımiz. Biz muny (eki qurylymdy biriktirýdi — red.) qalamaıtynymyz anyq. Salanyń ahýaly turaqty ári teńgerimde dep esepteımiz», — dedi Tımýr Súleımenov. 

Sondaı-aq, ol qoǵam ishinde mundaı másele týyndap otyr degenge kúmánmen qaraıtynyn atap ótti.

«Jumysyma baılanysty bolǵandyqtan búkil trendterge, onyń ishinde BAQ-qa da muqııat zer salyp otyramyn. Ulttyq bank pen Qarjy naryǵyn retteý jáne damytý agenttigin biriktirý kerek degen trend júrip jatqanyn baıqaǵan joqpyn», — dedi Ulttyq bank basshysy.