Ulttyq bank Qanysh Sátbaevtyń 125 jyldyǵyna arnalǵan monetalardy aınalymǵa shyǵarady

<p>ASTANA. KAZINFORM &ndash; Qazaqstan Ulttyq Banki &laquo;Este qalatyn oqıǵalar men birtýar adamdar&raquo; serııasynan QANYSH S&Aacute;TBAEV. 125 JYL kollektsııalyq monetalaryn aınalymǵa shyǵarady. Monetalardyń satýǵa qashan shyǵarylatyny týraly aqparat QUB resmı saıtynda qosymsha ornalastyrylady, dep habarlady banktiń baspasóz qyzmeti.</p>

Qanysh Sátbaev – keńestik geolog-ǵalym, ǵylym jáne qoǵam qaıratkeri, professor, Qazaq KSR Ǵylym Akademııasynyń tuńǵysh prezıdenti.

Nomınaly 2 000 teńgelik monetada marganets rýdasynyń, mıneraldyń túsin bildiretin kúreń qyzyl túske ıe tantal saqınasy bar. Bul iri ken ornyn Q.Sátbaev Jezdi aýylynyń mańynda taýyp, ıgergen. Marganets Uly Otan soǵysy kezinde brondy tehnıkaǵa arnalǵan bolat qorytpalary óndirisinde keńinen qoldanylyp, KSRO-ǵa marganets keniniń 70%-dan astamyn berip otyrǵan.

Monetalar:

- bıkolorly (dıskisi – 925/1000 synamaly kúmisten, massasy 34 gramm, saqınasy – tantaldan, massasy 40 gramm), monetanyń massasy – 74 gramm, dıametri – 50 mm, sapasy – proof, nomınaly – 2 000 teńgelik, taralymy – 300 (úsh júz) dana;

Bıkolorly monetanyń beınesi 

Foto: Ulttyq bank

- melhıor qospasynan (MN 25) daıyndalǵan monetanyń massasy – 15 gramm, dıametri – 33 mm, sapasy – brilliant uncirculated, nomınaly – 200 teńgelik, taralymy – 5000 (bes myń) dana.

Melhıordan daıyndalǵan monetanyń beınesi 

Foto: Ulttyq bank

Monetalardyń barlyq túri Qazaqstan Respýblıkasynyń búkil aýmaǵynda óziniń belgilengen qunymen tólemniń kez kelgen túrinde qabyldanýǵa, eldiń barlyq bankinde bank shottaryna esepke alynýǵa, aýdarylýǵa, usaqtalýǵa jáne aıyrbastalýǵa jatady.

Bıkolorly monetalar memlekettik, orys jáne aǵylshyn tilderinde QUB nómirli sapa sertıfıkattary bar kádesyı oramynda shyǵarylady. Melhıor qospasynan daıyndalǵan monetalar blısterlik ormada shyǵarylady. Kollektsııalyq monetalar Qazaqstan teńge saraıynda daıyndaldy.