Jınaqta Qazaqstan faýnasynda sırek kezdesetin ań-qustar beınelengen: AQBÓKEN (Aqbóken), ARQAR (Arqar), BARYS (Barys), DÝADAQ (Dýadaq) jáne SUŃQAR (Suńqar). Barlyq moneta eldiń tabıǵı baılyǵyn aıshyqtaıtyn biryńǵaı stılde oryndalǵan.
Monetalar nıbrass/neızılber qospasynan soǵylǵan, daıyndaý sapasy — uncirculated, nomınaly — 100 teńgelik, salmaǵy — 6,45 gramm, dıametri — 24,5 mm, ár túrinen 3 000 000 (úsh mıllıon) dana, jalpy taralymy — 15 000 000 (on bes mıllıon) dana.
Monetalar Qazaqstan Respýblıkasynyń aýmaǵynda aınalymdaǵy monetalarmen qatar erkin aınalymǵa arnalǵan jáne ekinshi deńgeıdegi bankter arqyly qolma-qol aqsha aınalymyna shyǵarylady.
Monetalar eldiń búkil aýmaǵynda óziniń belgilengen qunymen tólemderdiń barlyq túri boıynsha qabyldanýǵa, sondaı-aq eldiń barlyq bankinde bank shottaryna esepke alynýǵa jáne aýdarýǵa, usaqtalýǵa jáne aıyrbastalýǵa mindetti.
Monetalar Qazaqstan teńge saraıynda daıyndaldy.
Aıta ketelik OTYRAR jáne GRIFFIN kollektsııalyq monetalar aınalysqa shyǵatyny týraly jazǵan edik.