Ulttyq bank bazalyq stavkany tómendetti

<p>ASTANA. KAZINFORM &ndash; Ulttyq bank bazalyq mólsherlemeni tómendetý jóninde sheshim qabyldady. Bul týraly Ulttyq banktiń baspasóz qyzmeti habarlady.</p>

«Qazaqstan Respýblıkasy Ulttyq bankiniń Aqsha-kredıt saıasaty komıteti bazalyq mólsherlemeni +/– 1 b.t. dálizimen jyldyq 15,25% deıin tómendetý týraly sheshim qabyldady», - delingen banktiń habarlamasynda.

Ulttyq bank aqparatyna sáıkes, byltyr jyldyq ınflıatsııa bir tańbaly mánge jetti. Aılyq ınflıatsııa ótken jyly jeltoqsanda ortasha jyldyq mólsherden birshama joǵary boldy.
Syrtqy ınflıatsııalyq protsester azyq-túliktiń álemdik baǵasynyń tómendeýi men ortalyq bankterdiń tejeý saıasatyna baılanysty qolaıly qalyptasýda.

Fıskaldyq yntalandyrýmen qamtamasyz etilgen ornyqty ishki suranys, sondaı-aq joǵary jáne turaqsyz ınflıatsııalyq kútýler tarapynan ishki ekonomıkada ınflıatsııalyq qysym saqtalyp otyr.

Eske sala keteıik, Ulttyq bank ótken jyly 24 qarashada bazalyq stavkany 15,75%-ǵa tómendetken edi.