Ulttyq bank basshysy: Tólem balansyndaǵy tapshylyq áli joıylmaıdy

<p>ASTANA. KAZINFORM &ndash; Ulttyq bank tóraǵasy Tımýr Súleımenov ımport kólemi kelesi jyly da óse túsetinin aıtty.</p>

«Úkimettiń boljamy boıynsha shıkizatqa jatpaıtyn eksport ulǵaıady. 2025 jylǵy eksport 2024 jylǵy 80,8 mlrd dollardan 82,3 mlrd dollarǵa deıin ósedi. Tólem balansynyń ádisnamasy boıynsha taýar ımporty 2023 jyldyń joǵary deńgeıinen asyp, ósýdi jalǵastyrady. Import kólemi 2025 jyly 61,3 mlrd dollarǵa jetedi», - dedi Tımýr Súleımenov.

Sondaı-aq, ol ımport kóleminiń tómendemeı turýyna halyq pen bıznestiń suranysynan bólek memlekettik baǵdarlamalar da áser etip turǵanyn atap ótti.

«Importtyń joǵary kóleminiń negizgi sebepteri – halyq pen bıznestiń qajettilikteri, óndiris tizbekterindegi sheteldik quraýshynyń eleýli úlesi, memlekettik baǵdarlamalardy iske asyrý. Nátıjesinde tólem balansynyń aǵymdaǵy shoty orta merzimdi keleshekte tapshylyq aýmaǵynda qalady», - dedi Ulttyq basshysy.