Ulttyq bank basshysy Azat Perýashevtiń synyna jaýap berdi
«Aq jol» partııasynyń depýtaty Azat Perýashev bazalyq stavkany búgin sizder jarııalaǵan deńgeıge deıin túsirý — túkke turǵysyz sheshim ekenin jazdy. Óz partııasynyń jyldar boıy bazalyq mólsherlemeni 5-7 paıyz dálizine deıin túsirý kerektigin aıtyp kele jatqanymen, qulaq aspaı otyrǵandaryńyzdy aıtypty. Paıyzdyń joǵary bolýy óndirýshilerge aýyr tıip jatqanyn da aıtqan. Bul málimdege qandaı jaýap aıtasyz?» — dep surady BAQ ókili.
Tımýr Súleımenov bir partııanyń synyna bola búkil halyqtyń tirshiligine keri áser etetin sheshim qabyldaý múmkin emestigin tilge tıek etti.
«Depýtatqa jaýap degen durys emes shyǵar. Óıtkeni ol maǵan tikeleı saýal joldap otyrǵan joq. „Aq jol“ partııasynyń ustanymyna kelsek, ol — kásipkerlerdiń, ónerkásip ıeleriniń partııasy. Sondyqtan da Májilis qurylymyndaǵy óte mańyzdy partııa. Olar birinshi kezekte jáne basty negizde kásipkerlerdiń múddesin qorǵaıdy. Solaı bolýy da kerek. Biraq bizdiń elde kásipkerler ǵana turyp jatqan joq. Halyqtyń kópshiligi kásipker emes. Jaldamaly jumys istep júrgender, stýdentter, balalar, zeınetkerler bar degen sııaqty… Inflıatsııanyń áseri bárine tıedi. Biraq bárine birdeı deńgeıde tımeıdi. Tabysy kóbirek adamdarǵa ınflıatsııa azyraq áser etedi. Al aılyqtan aılyqqa deıin ómir súrip júrgenderge kez kelgen taýardyń baǵasy kez kelgen mólsherde ósse, áseri qatty seziledi. Azyq-túlik taýary bolsa da, azyq-túlikke jatpaıtyn taýar bolsa da solaı. Sondyqtan olardy nazardan tys qaldyra almaımyz. Bizdiń negizgi mandatymyz — baǵa turaqtylyǵy», — dedi ol.
Tımýr Súleımenov bazalyq stavka tómen bolsa, kásipkerlerdiń bankten alatyn nesıe mólsherlemesi de tómen bolatynyn atap ótti.
«Inflıatsııa degen — makroekonomıkadaǵy eń qıyn basqarylatyn kórsetkish, qubylys. Sáıkesinshe, biz nesıeni arzandatýdyń jolynda bazalyq mólsherlemeni túsire almaımyz. Túsirmeımiz de! Bizge ınflıatsııany túsirý qajet, sondyqtan ınflıatsııany tómendetýge baǵyttalǵan aqsha-nesıe saıasatyn jalǵastyra beremiz. Kásipkerler alatyn nesıeniń paıyzy jeńil, ózi qoljetimdi bolýy úshin Úkimet tarapynan, „Báıterek“, jergilikti ákimdikter tarapynan kóptegen qoldaý sharalary qabyldanǵan. ıAǵnı, olar óz saılaýshylarynyń pikirin jarııalaýǵa quqyly. Biraq Ulttyq bank búkil halyqtyń múddesine jumys isteıtindikten de Ulttyq bank esepteledi», — dedi Ulttyq bank basshysy.