Ulttyq bank aldaǵy eki jylda munaı baǵasy qalaı qubylatynyn boljady

<p>ASTANA. KAZINFORM &ndash; Álemde munaıǵa degen suranys azaıyp, usynys kóbeıedi. Bul jaıt Ulttyq banktiń Qazaqstan makro ekonomıkasyndaǵy damýdyń bazalyq stsenarıin qaıta qaraýǵa májbúr etken.</p>

«Munaı naryǵynda jaǵdaı nasharlady. Qytaı tarapynan suranys azaıyp, usynys ósedi dep kútilýde. Osylaısha, bazalyq stsenarıı úshin Brent markaly munaı baǵasynyń boljamdy baǵasy barreline 70 AQSh dollaryna deıin tómendetildi. Boljamdy kókjıekte syrtqy ınflıatsııalyq qysym saqtalady dep kútilýde. Bul faktorlar ınflıatsııa men ekonomıkalyq ósý boıynsha ortamerzimdi boljamdardy qaıta qaraýǵa túrtki boldy», - dep jazady Ulttyq bank sarapshylary.

Ulttyq bank boljamy boıynsha aldaǵy eki jylda munaı Brent markaly bir barrel munaıdyń ortasha baǵasy 70 dollarda kóp bolmaıdy.

«2025-2026 jyldary munaı baǵasy barreline 70 dollardy quraıdy. Qytaı men EYDU elderinen suranys álsiz. Sondaı-aq 2025 jyly álemdik ekonomıkanyń ósýi buryn boljanǵan deńgeıden tómen bolady dep kútilýde. OPEK+ elderiniń 2025 jyldyń basynan bastap munaı óndirýge shekteýdi jeńildetýi jáne Soltústik, Ońtústik Amerıka elderinde óndiristi ulǵaıtý munaı naryǵyndaǵy usynystyń profıtsıtine yqpal etedi», - delingen qarasha aıyndaǵy aqsha-kredıt saıasaty týraly baıandamada.

Osyǵan deıin Ulttyq bank qarashadaǵy Aqsha-kredıt saıasaty týraly baıandamany jarııalaǵanyn jazdyq.