Ulttyq bank aqsha aıyrbastaý pýnktterin 2 jylda ǵımaratyn qaýipsiz etýge mindettedi
— Qazaqstan Ulttyq banki «Ekinshi deńgeıdegi bankterdiń, Qazaqstan Respýblıkasynyń beırezıdent bankteri fılıaldarynyń, Ulttyq poshta operatorynyń, banknottardy, monetalardy jáne qundylyqtardy ınkassatsııalaý aıryqsha qyzmeti bolyp tabylatyn zańdy tulǵalardyń jáne qyzmetin Qazaqstan Respýblıkasy Ulttyq Bankiniń qolma-qol shetel valıýtasymen aıyrbastaý operatsııalaryna arnalǵan lıtsenzııasy negizinde tek qana aıyrbastaý pýnktteri arqyly júzege asyratyn zańdy tulǵalardyń úı-jaılaryn kúzetýdi jáne jaılastyrýdy uıymdastyrý qaǵıdalaryn bekitý týraly» QUB 2020 jylǵy 24 aqpandaǵy № 14 Basqarma qaýlysyna) ózgerister engizilgeni týraly habarlaıdy. Bul ózgerister (kassalyq torap úı-jaılaryna qatysty) jekelegen normalardy úı-jaılardy buzý jáne ený qaterlerinen qorǵaýdyń ózekti ádisteri kórsetilgen ulttyq jáne memleketaralyq standarttardyń talaptaryna sáıkes keltirý aıasynda engizildi, — dep jazylǵan qujatta.
Jańartylǵan talaptar kassalyq torap úı-jaılaryndaǵy tereze oıyqtaryn qorǵaý maqsatynda ornatýǵa ruqsat etilgen jabdyqtardyń tizbesin keńeıtýdi, sondaı-aq seıf bólmelerine qoıylatyn qaýipsizdik talaptaryn ózektendirýdi kózdeıdi.
— Bul sharalar qyzmetkerlerdiń qaýipsizdigin arttyrýǵa, qundylyqtardy saqtaýǵa jáne úı-jaılardyń estetıkalyq kelbetin qamtamasyz etýge baǵyttalǵan. Engiziletin ózgeristerge sáıkes úı-jaılardy beıimdeý qarjy uıymdarynyń shyǵystaryna tikeleı áser etetinin eskere otyryp, ótpeli kezeń kózdelgen. ıAǵnı, qarjy uıymdary 2 jyl ishinde (resmı jarııalanǵan sátten bastap) kassalyq operatsııalardy júzege asyrýǵa arnalǵan úı-jaılardy sáıkestendirýge tıis. Sondaı-aq, Ulttyq poshta operatory qyzmetiniń áleýmettik quramdas bóligin eskere otyryp, oǵan qatysty jeke ótpeli kezeń 5 jyl ishinde kózdeldi, — dep jazady Ulttyq bank saıty.
Eske salsaq, byltyrǵy qarashada Pavlodar qalasyndaǵy bank bólimshesi ǵımaratynyń qabyrǵasy lommen buzylǵany málim bolǵan.