Tsıfrlyq qujattar servısinde aqaýlar anyqtaldy - Rostıslav Konıashkın

<p>ASTANA. KAZINFORM &ndash; Ulttyq aqparattyq tehnologııalar aktsıonerlik qoǵamy elimizdiń biryńǵaı ýaqyt beldeýine kóshýine baılanysty keıbir aqparattyq servısterdiń qyzmetin qalyp keltirip jatyr.</p>

2024 jylǵy 29 aqpannan 1 naýryzǵa qaraǵan túni (UTC + 05.00) biryńǵaı ýaqyt beldeýine kóshý jumystary júrgizildi. 64 aqparattyq júıe (portal) ornalasqan 11 myńnan astam vırtýaldy serverler jańartyldy. Onyń qatarynda eGov.kz, EGOV Mobile mobıldi qosymshasy, e-license portaly, «E-notarıat» biryńǵaı notarıattyq aqparattyq júıesi, «tehnıkalyq baıqaý» biryńǵaı aqparattyq júıesi, «e-Otinish» elektrondyq ótinishter servısi jáne «Ulttyq aqparattyq tehnologııalar» AQ bar.

Habarlamada memlekettik organdar qaramaǵyndaǵy aqparattyq júıelerdiń jumysyn ózderi júzege asyratyndyǵy aıtylǵan. Aqparattyq júıeler jáne eGov.kz shtattyq rejımde jumys isteıdi.

«Tsıfrlyq qujattar» servısinde derekterdi durys kórsetpeý boıynsha jeke keıster anyqtaldy. Qazir biz barlyq qajetti jumystardy júrgizip jatyrmyz jáne ózekti derekter jaqyn arada qoljetimdi bolady. Qolaısyzdyqtar úshin keshirim suraımyz», - dedi Ulttyq aqparattyq tehnologııalar aktsıonerlik qoǵamynyń basqarma tóraǵasy Rostıslav Konıashkın.