Ulttar lıgasy: Qazaqstan quramasy syrt alańda Norvegııadan oısyraı jeńildi
Oıyn basynan norvegııalyq fýtbolshylar tizgindi qolyna alýǵa tyrysty. Álemdik fýtbolda juldyzy jarqyraǵan Erlıng Holandtyń komandasy Almatyda ótken oıyndaǵy olqylyqtyń ornyn toltyrýǵa tyrysty. Óziniń aıyp alańynda qatelikke jıi boı aldyrǵan qazaqstandyq fýtbolshylar oǵan tosqaýyl qoıýǵa múmkindigi bolǵan joq. Nátıjesinde Holand 23, 37, 71-mınýtta úsh gol soǵyp, het-trık jasady. Sondaı-aq norvegııalyq taǵy bir shabýylshy Aleksandr Serlot 41, Antonıo Nýsa 77-mınýtta mergendik tanytty.
Bul oıynda el quramasy qarsylasyna 0:5 esebimen ese jiberdi. Saldarynan alty oıynda qazaqstandyq fýtbolshylar birde-bir soǵa alǵan joq.
Aıta ketsek, el quramasy V lıgasy úshinshi tobynda synǵa tústi. Qazirge deıin óz alańynda Norvegııamen 0:0 esebimen teń tústi. Odan keıin syrt alańda Slovenııaǵa 0:3, 0:1 , Aýstrııaǵa 0:4, 0:2 esebimen jol berdi.
Endi Qazaqstan quramasy Ulttar lıgasynyń aldaǵy jańa maýsymynda qaıtadan S lıgasynda dop tebedi. Al atalǵan topta birinshi oryn alǵan Norvegııa A lıgasyna joldama aldy.
Bul toptaǵy Aýstrııa men Slovenııa 1:1 esebine qanaǵat bildirdi.
Endi qazaqstandyq fýtbolshylar 2026 jylǵy álem chempıonatynyń irikteý týrnırine daıyndalady. Atalǵan týrnırdiń irikteý kezeńiniń jerebesi 2024 jyldyń 13 jeltoqsanynda ótedi.