Ulttar lıgasy: Qazaqstan quramasy búgin Slovenııamen oınaıdy

<p>ASTANA. KAZINFORM - Búgin, 6 qyrkúıekte Qazaqstan quramasy UEFA Ulttar lıgasyndaǵy ekinshi oıynyn Slovenııaǵa qarsy ótkizedi.</p>

El quramasy V lıgasy úshinshi tobynda Norvegııa, Slovenııa jáne Avstrııa quramalarymen synǵa túsedi.

Kezdesý qazaqstandyq ýaqytpen 23:45-te bastalyp, «Qazsport» telearnasynan tikeleı efırde kórsetiledi.

Atalǵan oıynda tas tóreshi Joaý Pıneırý mindetin atqarady. Oǵan otandastary Brýný Alvesh Jezýsh pen Lýsıaný Maııa kómekshilik etedi. Tórtinshi tóreshi de sol eldiń ókili Joaý Gonsalvesh. 

Óz tarıhynda eki qurama 2024 jylǵy Eýropa chempıonaty irikteý kezeńinde kezdesip, eki oıynda da qazaqstandyq fýtbolshylar qarsylasyna 1:2 esebimen jol berdi.

Ulttar lıgasynyń alǵashqy týrynda Qazaqstan quramasy Norvegııamen 0:0 esebimen teń tússe, Slovenııa men Avstrııa 1:1 esebine qanaǵat bildirdi.

Aıta ketsek, qazaqstandyq fýtbolshylar Ulttar lıgasynda tórtinshi márte baq synaıdy. Qazirge deıin 20 kezdesýde 7 márte jeńiske jetip, 5 márte teń oınasa, 8-de qarsylasyna ese jiberdi.