Ulttar lıgasy: Qazaqstan quramasy Avstrııadan oısyraı jeńildi

<p>ASTANA. KAZINFORM - Búgin fýtboldan Qazaqstan quramasy UEFA Ulttar lıgasynyń V dıvızıonynda úshinshi oıynyn syrt alańda Aýstrııaǵa qarsy ótkizdi.</p>

Alǵashqy mınýttan avstrııalyq fýtbolshylar tizgindi qolǵa alýǵa tyrysty. Olaı bolatyn jóni bar. Buǵan deıingi eki týrda olar nebári bir upaı jınady. Qazaqstan quramasynyń enshisinde de dál osyndaı upaı jazylǵan. 

Avstrııalyq fýtbolshylar qarqynyna toıtarys bergen qazaqstandyq qurama negizinen qorǵanysqa kóńil bóldi. Oıynnyń 10-mınýtynda qorǵaýshy Nuraly Áliptiń óreskel qateligin sheber paıdalanǵan avstrııalyq Krıstof Baýmgartner óz quramasyn alǵa shyǵardy. Budan keıin de olardyń tarapynan birneshe shabýyl órbidi.

Ekinshi kezeńde avstrııalyq quramadan Fılıpp Lınhart 54, Marsel Zabıttser 56, Mattıas Zaıdl 77-mınýtta mergendik tanytty.

Osylaısha Qazaqstan quramasy qarsylasyna 0:4 esebimen jeńilip qaldy. 

Eki qurama buǵan deıin tórt márte kezdesti. Qazaqstandyq fýtbolshylar eki márte qarsylasyna ese jiberse, ekeýinde quramalar teń nátıjege qanaǵat bildirdi. 

Endi el quramasy 13 qazanda Almatyda Slovenııa quramasyn qabyldaıdy. 

Al odan keıin 14 qarashada óz alańynda Avstrııamen taǵy bir márte sheberlik baıqassa, 17 qarashada syrt alańda Norvegııamen atalǵan týrnırdi aıaqtaıdy.

Sondaı-aq búgin atalǵan topta Norvegııa quramasy Slovenııany 3:0 esebimen jeńdi.