ASTANA. KAZINFORM - Fýtboldan UEFA Ulttar lıgasy besinshi týrynyń alǵashqy oıyn kúni ótti.
Atalǵan týrda jankúıerler A lıgasy ekinshi tobyndaǵy Belgııa men Italııa kezdesýine nazar aýdardy. Týrnır barysynda jaqsy oıyn órnegin kórsetip kele jatqan ıtalııalyqtar bul joly da sol qarqynynan jańylǵan joq. Kezdesý taǵdyryn jalǵyz gol sheshti.
Osylaısha ıtalııalyq fýtbolshylar qarsylasyn 1:0 esebimen qapy qaldyryp, týrnır kestesindegi jaǵdaıyn jaqsartyp aldy. Qazir olar óz tobynda kósh basynda tur.
Atalǵan toptaǵy Frantsııa men Izraıl 0:0 esebine qanaǵat bildirdi.
Sondaı-aq V lıgasyndaǵy ekinshi topta Irlandııa Fınlıandııany 1:0, Anglııa Grekııany 3:0 esebimen tize búktirdi.
Al V lıgasynyń úshinshi tobyndaǵy Norvegııa quramasy syrt alańda Slovenııany 1:4 esebimen jeńse, Qazaqstan quramasy Aýstrııaǵa 0:2 esebimen jol berdi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.