Ulttar arasyndaǵy birlik pen tatýlyq - bizdiń basty memlekettik qundylyǵymyz
«Qazaqstan 1 mamyr merekesin saqtap qalǵan memleket. Bunyń da ózindik ereksheligi bar. Bul bir shańyraq astynda turyp jatqan basqa ulttardyń, basqa din ókilderi men etnostardyń tatýlyǵy men birligin kórsetedi. Sonyń ishinde osy 1 mamyr kúni biz álemge Qazaqstan barlyq ultqa jaıly ekenin pash etemiz», - dedi Májilis depýtaty Ahmad Muradov.
Osy rette Qazaqstan halqy Assambleıasynyń ókili vaınah-sheshen ultynyń ókilderi Qazaqstanǵa osydan 70 jyl buryn kúshtep jer aýdarylǵanyna toqtala otyryp, Elbasy N. Nazarbaevtyń syndarly saıasaty arqasynda qazaq topyraǵy barsha ult úshin kıeli mekenge aınalǵanyn, halyqtar birligi yntymaqqa ulasyp jatqanyn atap ótti. «Ulttar arasyndaǵy birlik - bizdiń basty memlekettik qundylyǵymyz. Biz osyndaı qundylyqtyń ár kez saqtalýyna múddeli bolyp, sol baǵytta jumys jasaıtyn bolamyz», - dedi A. Muradov.
Eske sala keteıik, búgin Astanadaǵy Qazaq Eli monýmenti aldynda Memleket basshysy Nursultan Nazarbaevtyń qatysýymen El Birligi kúni merekesi ótýde.
Alańnyń bas sahnasynda 700-den astam óner men shyǵarmashylyq ujymdary óz ónerlerin qala turǵyndary men qonaqtarǵa pash etetin bolady. Qazaqstan halqynyń birligi kúni merekesine oraı, sahnada "Quraq kórpe" qurylymy sýrettelip, ondaǵy ár shyǵarma el yntymaǵynyń birtutastyǵyna arqaý etilmek.