Ultaralyq tatýlyq pen kelisim bolmasa, eshqandaı reforma júrgizý múmkin emes - sarapshy Z. Qabyldınov

ASTANA. QazAqparat - Ultaralyq kelisim men tatýlyq máseleleri sheshilmeı, eshqandaı reformany júzege asyrý múmkin emes. Búgin Astanadaǵy QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda «Halyqtar kelisimi» qoǵamdyq qorynyń dırektory Zııabek Qabyldınov osylaı aıtty.

Sóz arasynda sarapshy sońǵy ýaqytta Qazaqstandy álem tanyp otyrǵanyn atap ótti. Onyń aıtýynsha, elimizde ekonomıka qarqyndy damyp keledi, bilim men ǵylym, mádenıet salalarynda aıtarlyqtaı jetistikterge qol jetkizildi.

«Qazirgi tańda máselen, «Astana», «Qazaqstan», «Nazarbaev» sózderi turaqtylyq pen ekonomıkalyq ósim sekildi sózderdiń sınonımine aınalyp otyr. Bunyń ózi Qazaqstannyń álemge toleranttylyq pen ashyqtyqtyń úlgisin kórsetip otyrǵanyn bildiredi. Qazaqstandyq kók tólqujatty álem tanıdy. Qazaqstan kóptegen ıgi bastamalarǵa uıytqy boldy. Atap aıtqanda, Qazaqstanda Álemdik jáne dástúrli dinder lıderleriniń sezin ótkizý dástúrge aınaldy, EYQU sammıti ótti, al 2017 jyly Qazaqstanda EKSPO halyqaralyq kórmesi ótedi. Osy barlyq ıgi bastamalar men ózgeristerdiń negizinde ultaralyq kelisim jatqany daýsyz. Al ultaralyq tatýlyq pen kelisim bolmasa, eshqandaı da reforma júrgizý múmkin emes», - dedi Qor basshysy.