Ultaralyq birlik táýelsizdiktiń alǵashqy jyldarynda sheshýshi ról atqardy - Prezıdent

NUR-SULTAN. QazAqparat – Prezıdent Qasym-Jomart Toqaev eldegi ultaralyq tutastyqtyń táýelsizdiktiń alǵashqy jyldarynda qandaı mańzdy ról atqarǵany týraly pikir bildirdi, dep habarlaıdy QazAqparat tilshisi.

«Keıingi kezde Qazaqstan halqy Assambleıasy túrli etnıkalyq toptardyń múddelerin qorǵaýǵa baǵyttalǵan degen pikirdi jıi estýge bolady. Bul bizdiń elimiz úshin onyń úlken mańyzdylyǵyn óte qarapaıym bir ólshemde túsiný der edim. Іs júzinde assambleıa ult birligin nyǵaıtýdyń pármendi quraly bolyp, barlyq azamattardy ortaq memlekettilik ıdeıanyń aınalasyna toptastyra aldy. Ony qurýdyń arqasynda etnıkalyq máseleni saıasılandyrýdyń aldyn alatyn tıimdi tetik paıda boldy», - dedi Qasym-Jomart Toqaev QHA Keńesiniń keńeıtilgen otyrysynda.

Prezıdent táýelsizdiktiń alǵashqy jyldarynda Qazaqstandy etnosaralyq qaqtyǵystar kútip turǵany týraly boljamdar kóp bolǵanyn eske aldy.

«Egemendik tańynda kóptegen saıasatkerler men saıasattanýshylar bizdiń memleketti bul turǵyda qıyndyqtar kútip turǵanyn boljaǵan edi. Kóptegen qarapaıym adamdar, tipti sarapshylar úshin olardyń boljamdary, ásirese, burynǵy Keńes Odaǵynyń keń dalasynda bolǵan etnosaralyq qaqtyǵystar aıasynda. oryndy bolyp kórindi. Alaıda, bárimiz birge, Qazaqstannyń birtutas halqy bola otyryp, pessımıstik boljamdardyń dármensizdigin dáleldeı aldyq. Bul rette jalpyulttyq yntymaqtastyqtyń ınstıtýty jáne halyq birliginiń sımvolyna aınalǵan QHA úlken ról atqardy», - dep túıindedi Memleket basshysy.