Ult josparyn júzege asyrýdy jalǵastyrý úshin Májilis depýtattary jańa senim mandatyn alýy kerek - sarapshy
«Májilis depýtattarynyń bastamasy qısyny bar usynys dep paıymdaımyz jáne biz osyndaı pikirge qalaısha kelip otyrǵanymyzdy túsindire alamyn. Birinshiden, bul álemdegi halyqaralyq ahýal. Barshamyz álemdik ekonomıkalarda oryn alǵan jahandyq daǵdarysty kórip otyrmyz. Barlyq elderdiń ekonomıkalary qıyn kezeńnen ótip jatyr. Sarapshylardyń pikirinshe, bul jaǵdaı aldaǵy ýaqytta qıyndaýy yqtımal, osy oraıda daǵdarystyń jańa tolqyny týyndaýy múmkin. Osyǵan bizdiń elimizdiń laıyqty jaýaby retinde «5 ınstıtýttyq reformany júzege asyrý boıynsha 100 naqty qadam» - Ult jospary bolyp otyr»,-dedi J. Qusmanǵalıeva.
Onyń sózine qaraǵanda, Ult josparyn tabysty iske asyrý úshin bıliktiń barlyq tarmaǵynyń salmaqty jumysy mańyzdy.
«Osy jaǵdaıda bizdiń Ult josparymyz boıynsha jumys istep, júzege asyrý úshin depýtattar jańa senim mandatyn alýy kerek. Bul turǵyda daǵdarys merziminde saılaý naýqanyna kóp ýaqyt jumsamaý kerektigi mańyzdy. Bizdiń oıymyzsha, Parlament Májilisine jáne máslıhatqa depýtattardyń kezekten tys saılaýy elektoraldyq kezeńderin biriktirý boıynsha depýtattardyń usynysy aıtarlyqtaı durys»,-dedi ol.