Ult jospary perspektıvaly jańa baǵyttarǵa jol ashýda - Elbasyna QR azamattarynyń joldaǵan haty
Bul týraly Aqordanyń baspasóz qyzmetinen habarlady.
Taldyqorǵan qalasynyń jáne Almaty oblysy aýdandarynyń qoǵamdyq birlestikteriniń ókilderi, jumysshylar men joǵary oqý oryndarynyń stýdentteri, densaýlyq saqtaý salasynyń qyzmetkerleri Ult josparyn tabysty júzege asyrý Qazaqstanǵa álemdik ekonomıkadaǵy kez kelgen qıyndyqty eńserýge jáne odan ári damýǵa qajetti qosymsha qýat kózin alýǵa múmkindik beretinin atap ótken.
Máselen, Qarasaı aýdanyndaǵy «MAVID» JShS dırektory V.Maslatsov shaǵyn jáne orta bıznesti damytýǵa qolaıly jaǵdaı jasaýǵa baǵyttalǵan sharalarǵa aıryqsha nazar aýdarǵan.
«Ult josparynda shıkizattyq emes saladaǵy kóshbasshylardy qoldaý qarastyrylǵan. Osylaısha, Siz ózińizdiń «aldymen ekonomıka, sosyn saıasat» degen qaǵıdatyńyzdy, sondaı-aq ekonomıkalyq ósim qarqynyn, jıyntyq ulttyq ónimniń qurylymy men sapasyn aıqyndaıtyn shaǵyn jáne orta bıznes sýbektilerin damytý jónindegi ıdeıańyzdy taǵy qýattaı tústińiz. «100 qadam» taıaý bolashaqta elimizge «Qazaqstan-2050» strategııasyndaǵy barlyq josparlardy júzege asyrýǵa múmkindik beretinine senimdimin», - dep jazady avtor.
Atyraý oblysynan kelgen hattar men jedelhattarda Ult josparynyń ekonomıkaǵa, el óńirleriniń múmkindikterin teńgerýge, jańa jumys oryndaryn ashýǵa jáne birlikti nyǵaıtýǵa tıgizetin oń yqpaly atap aıtylǵan. Avtorlar «100 naqty qadamdy» is júzine asyrýǵa qomaqty úles qosýǵa daıyn árbir qazaqstandyqtyń qatysýy arqyly ǵana qarastyrylǵan mindetterdi sheshýge bolatynyna senimdi.
Atyraý qalasyndaǵy «Edil-Jaıyq» qaraqalpaq etno-mádenı birlestiginiń tóraǵasy K.Bekmuratov alǵa qoıylǵan mindet eldi budan da tabysty ári myqty ete túsetinine senimdi ekenin aıtqan.
«Júz qadamnyń bári eldiń múddesine baǵyttalǵan, bizdiń árqaısymyz bul qadamdardy óz mamandyǵymyz aıasynda, qoǵamdyq ómirde búkil elmen birge jasaýymyz kerek. Ideıanyń jahandylyǵy, oıdyń aýqymdylyǵy jáne reformalardy júzege asyrý jolynyń tııanaqtylyǵy - bul Qazaqstan tarıhynyń jańa paraǵy ekenin bildiredi», - dep jazady avtor.
Jambyl oblysynyń bıznes ókilderi, túrli sala jumysshylary, zeınetkerler men stýdent jastar Ult josparynda basymdyqtar aıqyn qoıylyp, kózdegen nysana men negizgi mindetter belgilengenin atap ótken. Olar Qazaqstannyń barlyq kedergilerdi eńserip qana qoımaı, bar áleýetin nyǵaıtyp, damyta túsetinine senimdilik bildirgen.
Aıtalyq, Taraz qalasynyń turǵyny E.Oborovskaıa Memleket basshysy jarııalaǵan Bes ınstıtýtsıonaldyq reforma elimizdiń bolashaǵyn qalyptastyratynyna nazar aýdarǵan.
«Reformalardy iske asyrý Qazaqstanǵa damýdyń jańa deńgeıine kóterilýge múmkindik beredi. Bizdiń tutastyǵymyz ben bir-birimizdi qoldaýymyz qoıylǵan mindetterdi sheshý isinde elimizdiń negizgi kúshi bolady», - delingen hatta.
Batys Qazaqstan oblysynyń qoǵamdyq uıymdarynan, jastardyń jáne aýyl sharýashylyǵy birlestikterinen, bilim jáne ǵylym salasy ókilderinen kelgen hattarda qoldaý bildirilgen jáne ol jahandyq qaterlerge berilgen naqty jaýap ekeni jáne eldiń álemdegi damyǵan 30 memlekettiń qataryna kirý jónindegi Stretegııasyn júzege asyrý baǵytyndaǵy júıeli umtylysyn qamtamasyz etetin qujat ekeni aıtylǵan.
Shyńǵyrlaý aýdany jastarynyń atynan jazǵan «Shyńǵyrlaý jastary» JQB tóraǵasy E.Habdýlov óz hatynda Qazaqstanda búginde óskeleń urpaqtyń damýy úshin barlyq jaǵdaı jasalǵanyna toqtalǵan.
«Kásibı jáne ıntellektýaldyq turǵydan ósý, ózimizdi kórsetý jáne shyǵarmashylyq úshin aldymyzdan zor perspektıvalar ashylǵan. Bizdi Otanymyzdyń bolashaǵy úshin jaýapkershilik pen Qazaqstanda budan da qýatty ete tússek degen tilek biriktiredi. El Táýelsizdigi - bizdiń basty baılyǵymyz. Biz bárimiz bir halyqtyń balasymyz jáne aldaǵy ýaqytta basty qundylyqtarymyz - beıbitshilikti, birlikti jáne ortaq shańyraǵymyz - Qazaqstan Respýblıkasyndaǵy kelisimdi saqtaıtyn bolamyz», - dep jazady avtor.
Qaraǵandy oblysynyń etno-mádenı birlestikteriniń, jastar uıymdarynyń ókilderi, joǵary oqý oryndarynyń oqytýshylary men stýdentteri Nursultan Nazarbaevtyń basshylyǵymen Qazaqstan tabystary álemdik qoǵamdastyq tarapynan moıyndalǵan, baqýatty, myqty ári turaqty memleketke aınalǵanyn aıtady. Olar respýblıkamyz budan da zor tabysqa jetetinine jáne alǵa qoıǵan órshil mindetteriniń barlyǵyn sheshetinine senimdilik bildirgen.
Oblys kásipkerleri qaýymdastyǵynyń atqarýshy dırektory S.Sanaýbaev otandyq bıznes pen jalpy ekonomıkaǵa qıyndyqtardy oıdaǵydaı eńserýge múmkindik beretin sharalarǵa nazar aýdarǵan.
«Barlyq suraqtyń jaýaby bireý. Eńbek, tek eńbek etý kerek. Eger árbir qazaqstandyq óz jumys ornynda eńbek etip, jetiletin bolsa, biz onda ózimizdiń Qazaqstan jolyn laıyqty júrip ótemiz», - delingen hatta.
Qyzylorda oblysy jurtshylyǵynyń ókilderi, ardagerleri, kásipkerleri táýelsiz respýblıka ıgiligi úshin negizgi reformalardy tıimdi iske asyrý jolynda qazaqstandyqtardyń tutastyǵy men birliginiń mańyzdylyǵyn atap ótken.
Máselen, Qyzylorda qalasy №6 «Balbulaq» memlekettik kommýnaldy kásipornynyń meńgerýshisi M.Nam «100 naqty qadamnyń» der kezinde ázirlengenine toqtalǵan.
«Jas memlekettiń qalyptasý jyldary Qazaqstanda kóp nárse jasaldy. El durys jáne jedel qarqynmen eńse tiktedi. Respýblıkamyz halyqaralyq arenada óz ornyn ala otyryp, maqsattaryna qaraı batyl qadam basyp keledi. Al Ult jospary Qazaqstannyń damýynyń barlyq salasyn qamtı otyryp, perspektıvaly jańa baǵyttarǵa jol ashýda», - dep jazady avtor.
Mańǵystaý oblysynan kelgen kóptegen hattarda Bes ınstıtýtsıonaldyq reformanyń árqaısysy qazaqstandyqtardyń tikeleı atsalysýyn talap etetini aıtylǵan. Bul sharalar tıisti turǵydan kelip, tıimdi júzege asyrylsa, halyqtyń ál-aýqatyn udaıy ósýin qamtamasyz etetinine avtorlar senim bildiredi.
Bul rette T.Shevchenko atyndaǵy ýkraın etnomádenı birlestigi jastar qanatynyń múshesi K.Storojýk Memleket basshysynyń respýblıkamyzdyń qalyptasýy men damýynda atqarǵan róline aıryqsha toqtalǵan.
«Sizdiń basshylyǵyńyzben Qazaqstan ósti, damydy jáne qazirgi jaǵdaıyna jetti. Maqtanysh etýge bolatyn kóp nársege qol jetkendeı, keıde osymen toqtaýǵa da bolatyndaı kórinetini bar. Alaıda ómir aýmaly-tókpeli, sondyqtan árbir qadam egjeı-tegjeıli jazylǵan Ult jospary - jańa jáne budan da jarqyn, senimdi bolashaqqa bastaıtyn kópir», - delingen hatta.
Ońtústik Qazaqstan oblysynyń eńbek ujymdary, bilim berý, mádenıet, densaýlyq saqtaý salalarynyń qyzmetkerleri, zııaly qaýym ókilderi Memleket basshysy usynǵan reformalar elimizdiń ornyqty jáne jan-jaqty damýyn qamtamasyz etý isinde mańyzdy ról atqaratynyn atap ótken. Óńir turǵyndary memlekettik saıasattyń strategııalyq baǵyttary órkendegen Qazaqstandy qalyptastyrý maqsatyna qol jetkizýdiń jańa kezeńi bolatynyna senim bildirgen.
Máselen, Shymkent qalasyndaǵy «QazTransOıl» AQ eńbekkeri A.Aqberdıev Jalpyǵa ortaq eńbek qoǵamy ıdeıasyn budan ári ilgeriletýdiń mańyzdylyǵyna nazar aýdarady.
«Barlyq qundylyqtar, ekonomıkalyq jáne mádenı ıgilikter adam eńbegi arqyly jasalady. Naǵyz ónimdi eńbek bizdiń áleýmettik jańǵyrtý saıasatymyzdyń negizi bolýy tıis. Esh jerde, eshbir elde bárine birdeı jáne birden qol jetkizý múmkin emes. Eńbek etip, óz áleýetimizdi týǵan Qazaqstanymyzda paıdalanýymyz kerek», - dep jazady avtor.