Ult uǵymyna ekiudaı túsinik tańý sovet zamanymen ketý kerek – Talǵat Qalıev
«Ultqurý degenge ınnovatsııa sııaqty qaraýdyń qajeti joq. Ult qalyptastyrý – memleket qurylysynyń ajyramas bólshegi. Osydan 32 jyl buryn bastalǵan úderis áli jalǵasyp keledi. Birtutas azamattyq ultty qalyptastyrý isin qurdymǵa ketirip alǵan elder de bar. Azamattyq ult toptastyra bilgenniń arqasynda qýatty serpilis jasap, jańǵyrǵan elder de bar», - dep jazdy saıasattanýshy.
Sondaı-aq ol Qazaqstan ókilderi Birikken Ulttar Uıymynyń minberinde jalǵyz tutas ulttyń atynan ún qosyp, sheshim qabyldaıtynyn eske saldy.
«Qazir «ult» degen uǵym qaı eldiń azamaty ekenińdi bildiredi jáne saıası kontekste «etnos» degen mánge ıe.
Bir uǵymdy bulaısha ekiudaı tápsirleý sovet zamanynyń partııa apparatynan qalǵan. Ol kezde ult uǵymy ımperıalıstik jáne federaldyq turǵydan qaraldy. Reseıde ulttyq respýblıkalar áli de bar. Al ýnıtarly Qazaqstanda bir ǵana ult bar ekeni anyq másele jáne onyń etnıkalyq qurylymyna ult prızmasy arqyly qaraý ádisteme turǵysynan qate.
Al memleket qurylysynyń túrli kezeńinde etnosaıasat túrli fýnktsııa atqarǵany óz aldyna bólek másele. Táýelsizdiktiń alǵashqy jyldarynda Qazaqstan halqy Assambleıasy kıkiljińderdiń aldyn alý quraly boldy. Al eki myńynshy jyldarda etnıkalyq toptardyń ókilderi sahnaǵa shyqty. Endigi jol – búkil etnostardyń bir áleýmetke, qaǵıdasy ortaq tutas ult retinde tyǵyz ıntegratsııalaný tetigi», - deıdi Talǵat Qalıev.