Ult tarıhyn táýelsiz sana turǵysynan qaıta qaraý - obektıvti qajettilik - E. Sydyqov

ASTANA. 1 qazan. QazAqparat - Ult tarıhyn táýelsiz sana turǵysynan qaıta qaraý - obektıvti qajettilik. Búgin Astanadaǵy «Qazmedıa ortalyǵynda» Ulttyq tarıhty zerdeleý jónindegi vedomstvoaralyq komıssııasynyń múshesi, L.Gýmılev atyndaǵy EUÝ rektory Erlan Sydyqov osylaı málim etti.

«Memleket basshysynyń tikeleı aralasýymen Qazaqstan tarıhshylaryna úlken mindetter júktelip otyr. Bul - zańdylyq. Óıtkeni, 20 jyldan astam ýaqyt boıy biz derbes, Táýelsiz memlekette ómir súrip kelemiz. Táýelsiz eldiń azamattary da qalyptasty. Sanamyz da táýelsiz. Olaı bolsa, tarıhymyzǵa da qaıtadan, táýelsizdik turǵysynan, táýelsiz sana turǵysynan qaıta qaraý obektıvti qajettilik», - dedi E. Sydyqov.

Onyń aıtýynsha, bir kezderi qazaq tarıhyn tereń zerdeleýge múmkindik bolmaı, keıbir ulttyq múddeniń faktileri burmalanyp kórsetildi.

«Sondyqtan da, Qazaqstannyń ulttyq tarıhyn tereńinen zerdeleıtin ýaqyt jetti», - dedi E. Sydyqov.