Ult tarıhı muralaryn zertteýdi álemniń jetekshi arhıvterinen bastaý kerek - Memlekettik hatshy
Búgin Astanada memlekettik aqparattyq saıasattyń ózekti máselelerine arnalǵan keńeste QR Memlekettik hatshysy Marat Tájın osylaı málim etti.
Sóz arasynda M. Tájın gýmanıtarlyq ǵylymǵa qatysty ıdeologııalyq jumystarǵa da toqtalyp ótti. Sondaı-aq, búgingi tańda táýelsizdik jyldary jańa qundylyqtarmen qalyptasqan jastar belsendi saıası iske aralasqanyn da eske saldy. «Prezıdent N. Nazarbaevtyń ult tarıhyn tereńdete zerdeleýge qatysty tapsyrmasy bar. Bul baǵytta ulttyq biregeıliktiń qosymsha jınaǵyn shyǵaryp, usyný kerek. Osyǵan oraı, Bilim jáne ǵylym mınıstrligi men Mádenıet jáne aqparat mınıstrliginiń qoldaýymen ulttyń tarıhı muralaryn zertteý boıynsha salmaqty jumysty jolǵa qoıý qajet. «Mádenı mura» atty prezıdenttik baǵdarlamada qamtylǵan dástúrdi jalǵastyra otyryp, ult tarıhyn tereńdete zertteýdi bastaýymyz, onyń ishinde bundaı zertteýlerdi jetekshi álemdik arhıvterden bastaýymyz kerek», - dedi M. Tájın. Osylaı deı kele Memlekettik hatshy mynadaı mysal keltirdi: «Shyńǵys hannyń «ıAsa» atalatyn jazbasy kóne túrki tilinde jazylǵan edi. Sosyn bul sol kezdegi qytaı tiline aýdaryldy. Odan mońǵol tiline aýdarylyp, al mońǵol tilinen bir yntaly azamat qazaq tiline aýdaryp shyqty. Sóıtip, túp-tórkini bizdiń túrki tilinen shyqqan týyndy basqa tilderdi aralap baryp, ózimizge kelip otyr».
Bul rette Memlekettik hatshy birqatar mınıstrlikter birige jumys istep belsendi ǵalymdar tobynyń basyn qosyp, olardy qazaqtyń ulttyq tarıhyna qatysty qorlar saqtalǵan Reseıdiń, Qytaı, Iran, Túrkııa men Eýropalyq elderdiń arhıvterine joldaý kerektigin alǵa tartty. «Bul 2013 jyldyń ózinde atqarylatyn shara», - dedi M. Tájın.
Sóz arasynda Memlekettik hatshy áleýmettik máseleler boıynsha atqarylatyn aqparattyq jumystarǵa da toqtalyp ótti. «Álemdik ekonomıkalyq konıýnktýranyń nasharlaı túsýi obektıvti túrde eldiń ishki jaǵdaıyna áser etetinin túsinýge tıispiz. Sondyqtan da áleýmettik-ekonomıkalyq problemalardy kórsetý áleýmettik shıelenisti tómendetýge sep bolatyn úsh baǵytta júrýi shart. Eń bastysy áleýmettik problemalar týraly jazýda qatań algorıtm basshylyqta bolýy kerek. Problemalardy jasyrý múmkin emes, osyny eskerý qajet», - dedi Memlekettik hatshy. Sonymen qatar, M. Tájın áleýmettik problemalardyń BAQ-ta jazylýyna qatysty óz pikirin jetkizdi. Onyń aıtýynsha, bir BAQ «elde eshqandaı problema joq» dep urandasa, ekinshisi «problemaǵa batyp qaldyq, memleket eshteńe istemeı otyr» dep aıqaılaıdy. Bunyń ekeýi de óz deńgeıine laıyqty dúnıe emes. «Árıne, problemalardy kórsetý kerek, alaıda onyń ekinshi jaǵynda memlekettiń soǵan qatysty ne istep otyrǵanyn, bıliktiń qur qol otyrmaǵanyn da aıtý kerek, jetkizý kerek halyqqa», - dedi M. Tájın.