Ult bolyp saqtalyp qalý jolynda jastarǵa artylar júk aýyr - Janseıit Túımebaev

ShYMKENT. QazAqparat - Búgin Ońtústik Qazaqstan  memlekettik pedagogıkalyq ýnıversıtetinde oblys ákimi Janseıit Túımebaev stýdent jastarmen kezdesti. Aımaq basshysy basqosýda bolashaq maman ıelerine «Rýhanı jańǵyrý: jastar jáne tarıhı taǵylym» taqyrybynda lektsııa oqydy,  dep habarlaıdy QazAqparat tilshisi.

 Aıtýly sharaǵa joǵary oqý ornynyń oqytýshylary men jas ǵalymdar, stýdentter  jáne BAQ ókilderi, jalpy sany 400-ge jýyq adam qatysty.

Kezdesýde óńir basshysy Elbasynyń «Rýhanı jańǵyrý» baǵdarlamalyq maqalasyn túsindirip, jastarmen pikir almasty. Qoǵamdyq sanany jan-jaqty jáne túbegeıli jańǵyrtýǵa baǵyttalǵan ulttyq jobanyń usynylýy -el damýynyń tarıhı kezeńine saı mańyzdy sheshim bolǵandyǵyn atap ótti. 

«Memleket basshysy: «Sanamyz isimizden ozyp júrýi, ıaǵnı odan buryn jańǵyryp otyrýy tıis», - dep naqty mindet qoıdy. Prezıdent qazaqstandyq jastardyń tárbıesine únemi nazar aýdaryp keledi. Onyń aıǵaǵy «Rýhanı jańǵyrý» baǵdarlamasyndaǵy eń mańyzdy mindetterdiń biri adamı kapıtal sapasyn jaqsartýǵa basymdyq bergendigi. Eń birinshi árbir azamat óz tilin bilýi qajet. Sondaı-aq, Elbasy rýhanı jańǵyrýdaǵy ulttyq sana-sezim kókjıegin keńeıtýde eki nárseniń basyn naqty ashyp berip otyr.  Onyń biri - ulttyq kod, ulttyq mádenıet saqtalmasa, eshqandaı jańǵyrýdyń bolmaıtyndyǵy. Ekinshisi - alǵa basý úshin ulttyń damýyna kedergi bolatyn ótkenniń kertartpa tustarynan bas tartý. Mundaǵy basty ıdeıa - bolashaq pen ótkendi úılesimdi sabaqtastyra bilý. Ozyǵyn alyp, tozyǵyn tastaý», - dedi Janseıit Qanseıituly.

   Basqosý barysynda stýdent jastar oblys basshysyna tolǵandyrǵan saýaldaryn qoıyp, tushymdy jaýap aldy. Suraqtar negizinen  tsıfrly Qazaqstan, latyn álipbıine kóshý syndy ózekti máselelerdi qamtydy. Óz kezeginde Janseıit Qanseıituly qazaq dıplomatııasynyń jetistigi men túrkologııa ǵylymynyń jarqyn bolashaǵy   taqyrybynda sóz qozǵady.  Ulttyq baǵdarlamanyń mańyzdy tustaryna toqtaldy.

«Alash kósemi Álıhan Bókeıhan: «Ozǵandarǵa jetý kerek, jetkenderimizden ozý kerek. Dúnıeniń tórine tyrmysqandar, tórden oryn alyp jatyr. Tyryspaǵandar esikte qalyp jatyr: ecikte qalmaı, birge tyrmysalyq», - degen. Demek, «Rýhanı jańǵyrý» baǵdarlamasy - aýqymy asa keń jáne júıeli túrde, tynymsyz jumys isteýdi, asa joǵary jaýapkershilikti talap etedi», - dep qorytyndylady oblys ákimi.

Igi shara sońynda aımaq basshysyna  Ońtústik Qazaqstan memlekettik pedagogıkalyq ýnıversıtetiniń rektory Ońalbaı Aıashev JOO-nyń professory ataǵyn berip, arnaıy  mantııany kıgizdi.