Úlken jáne Kishi Almaty shatqaldarynda taǵy 10 týrıstik marshrýt jasalady

ALMATY. QazAqparat –Úlken jáne Kishi Almaty shatqaldarynda jyl sońyna deıin taǵy 10 týrıstik marshrýt ashylady. Bul týraly qalalyq týrızm basqarmasy basshysynyń orynbasary Marat Aınabekov aıtty, dep habarlaıdy QazAqparat tilshisi.

«Biz taý marshrýttarynyń abattandyrylýy men tsıfrlandyrylýyna basa mán beremiz. Sońǵy eki jylda qalalyq týrızm basqarmasy 1000 taý soqpaǵyn tsıfrlandyrdy. Sońǵy 3 jylda 300 shaqyrymǵa sozylǵan 25 taý marshrýty abattandyryldy. Úlken jáne Kishi Almaty shatqaldarynda jyl sońyna deıin uzyndyǵy 157 shaqyrym bolatyn taǵy 10 marshrýt abattandyrylady», - dedi Marat Aınabekov.

Onyń aıtýynsha, Kókjaılaýǵa baratyn soqpaq jol jekemenshik ınvestıtsııa esebinen jasalǵan.

Qalalyq týrızm basqarmasy habarlaǵandaı, jańa ınfraqurylymdyq jobalarǵa ınvestıtsııa tartý maqsatynda Medeý taý shańǵysy kýrortynda 100 nómirge, 50 apartamentke shaqtalǵan qonaq úı kesheni, Býtakovka shatqalynda shaǵyn hostel men kofehanasy bar vızıt ortalyǵy, 10 modýldik úıshigi bar glempıng aımaǵy, «Shymbulaq» vızıt ortalyǵyn salý josparda bar.