Úlken Taldykól jobasy sarapshylardyń oń qorytyndysyn aldy

NUR-SULTAN. QazAqparat – Elorda ákimdigi úlken jáne kishi Taldykóldi qalpyna keltirý jobalary boıynsha qandaı jumystar júrip jatqany týraly QazAqparat tilshisine aıtyp berdi.

«Qazirgi ýaqytta úlken Taldykólde júrgizilgen jobalaý-izdestirý jumystary bekitilip, jobalar saraptamasynyń oń qorytyndysy alyndy. Jobada «tabıǵı park» qarastyrylǵan. Bul jobany (+ Kishi Taldykól) iske asyrý úshin bıyl 1 mlrd teńge qarajat bólindi», - dep jaýap berdi «Nur-Sultan qalasynyń qorshaǵan ortany qorǵaý jáne tabıǵat paıdalaný basqarmasy» MM agenttik saýalyna.

Vedomstvo Kishi Taldykól boıynsha «rekreatsııalyq aımaq» jobasyn ázirleý belsendi júrgizilip jatqanyn atap ótti. Bul jobalardy ázirleý qalalyq tabıǵı park qurýdyń keshendi biregeıligin maqsat etedi, osylaısha janýarlar men sırek kezdesetin qustardyń tabıǵı mekendeý ortasyn saqtaý múmkindigi paıda bolady.

«Qalalyq tabıǵı park qurýdyń jaratylystaný-ǵylymı negizdemesin Qazaqstan bıoalýantúrlilikti saqtaý qaýymdastyǵy ázirledi jáne memlekettik ekologııalyq saraptamanyń oń qorytyndysyn aldy. Álemdik tájirıbe kórsetkendeı, mundaı tabıǵı parkter týrısterdiń jıi keletin oryndarynyń biri bolady. Jumystar jobalar saraptamasynyń oń qorytyndysyn alǵannan keıin bastalady», - dedi basqarma.

Eske salsaq, elordadaǵy Úlken jáne Kishi Taldykólde ekopark qurýǵa 1 mlrd teńge bólindi.