Úlken regata: prezıdenttik ortalyqta mekteparalyq mýzeı jobasy qorytyndylandy
Jobanyń basty maqsaty – Astana qalasynyń biryńǵaı mádenı-bilim berý keńistigine ıntegratsııalaý arqyly Qazaqstan Respýblıkasy Prezıdenttik ortalyǵynyń mýzeı jınaǵyn nasıhattaý.
Ótken jyldyń qarasha aıynda bastalǵan «Úlken regata» elordalyq mektepterdiń 7-8 synyp oqýshylary úshin uıymdastyrylyp, eki kezeńmen ótti. Birinshi kezeń baǵdarlamasy Astanadaǵy 5 mektep janyndaǵy mýzeılerge arnaıy ázirlengen «Arnaıy qoıma», «Mádenıetter kaleıdoskopy», «Estelik, erlik jáne dańq» baǵyttar boıynsha barýdy qamtydy. Osy mýzeı nysandaryna («araldarǵa») barǵan kezde ekıpajdar onda usynylǵan materıaldarmen tanysyp, túrli tapsyrmalardy oryndady.
Saıahat-oıynnyń arqasynda elordalyq 9 orta bilim berý mekemesinen 50-den astam oqýshy týǵan ólkesi, qazaqstandyq qoǵamnyń damý tarıhyna eleýli úles qosqan ataqty adamdardyń ómiri men qyzmeti týraly bilim alýǵa biregeı múmkindik aldy.
Fınalǵa shyqqan «Alash Orda» (№54 lıtseı-mektebi), «Izýmrýd» (№60 lıtseı-mektebi), «Aısberg» (№85 lıtseı-mektebi) jáne «Odısseı» (№28 lıtseı-mektebi) komandalarynyń ekıpajdary «Arhıpelagtyń» ózinde, ıaǵnı QR Prezıdenttik ortalyqtyń mýzeıinde jeńimpaz ataǵyna talasty.
«Qurmetti qatysýshylar, sizderdiń árqaısyńyzdyń osy kúndi asyǵa kútkenderińizdi bilemin. Prezıdenttik ortalyqtyń oıynǵa qatysatyn barlyq mýzeı nysandaryn - «araldaryn» biriktirgen «Arhıpelag» rólin somdaýy biz úshin úlken mártebe. Búgingi regata barlyǵymyzdy biriktirip, ashylýlarǵa degen úlken qushtarlyǵyn, mektep mýzeılerinde uqypty saqtalǵan qundy mádenı muramen tanysýǵa, óz kúshterin synap kórýge jáne «Arhıpelagta» jınaqtalǵan táýelsiz Qazaqstannyń qalyptasý tarıhy jaıly materıaldardy oqyp úırenýge degen umtylysyn kórsetti», - dedi óz sózinde QR Prezıdenttik ortalyǵy dırektorynyń orynbasary Serik Sydyqov.
Sońǵy oıynnyń qorytyndysy boıynsha barlyq tapsyrmalardy oryndaǵan, «Arhıpelagtyń» qupııa jerin birinshi bolyp taýyp, onda tabylǵan jumbaq eksponat-sımvolǵa durys túsinik bergen ekıpaj jeńimpaz bolyp tanyldy. Gran-prı ıegeri – «Odısseı» komandasy.
Qalǵan júldeli oryndar kelesideı bólindi:
- 1 oryn – «Aısberg» komandasy
- 2 oryn – «Izýmrýd» komandasy
- 3 oryn – «Alash orda» komandasy
Marapattaý rásimi barysynda «Úlken regata» jeńimpazdaryna dıplomdar men estelik syılyqtar tabys etildi, úzdik murajaılar men olardyń saqtaýshylary Qazaqstan Respýblıkasy Prezıdenttik ortalyǵynyń sertıfıkattarymen jáne gramotalarymen marapattaldy.