Úlken qalalarǵa baǵyttalǵan ýrbanızatsııany eshkim toqtata almaıdy - Nursultan Nazarbaev

NUR-SULTAN. QazAqparat – Qazaqstan bıligi úlken qalalarǵa baǵyttalǵan ýrbanızatsııany basqara bilýi kerek. Bul týraly «Habar» arnasyna bergen suhbatynda QR Tuńǵysh Prezıdenti Nursultan Nazarbaev málim etti, dep habarlaıdy QazAqparat tilshisi.

«Parıjge qarańyz. Ol qalaı damyǵan? Kishkene ǵana Parıj boldy. Keıin qala shetin halyq toltyrdy da, bılik turǵyn úı kvartaldaryn sala bastady. Osylaısha, qala óse berdi. Nıý-Iork te solaı ósip keledi. Mehıkodaǵy 20 mln adamnyń jartysy qala shetinde turady. Kez kelgen qalada solaı. ıAǵnı, adam ózine qolaıly ortany tańdaıdy. Úlken qalalarda ǵylym damıdy, zaýyttar men kásiporyndar salynady, úzdik joǵary oqý oryndary sonda bolady. Mektepter de, meıramhanalar da úzdik. Bári sapaly. Sebebi, úlken qalalarda ǵylym men bilim qordalanady. Tıisinshe, adamnyń mundaı qalaǵa tartylýy zańdy. Bul ýrbanızatsııany eshkim toqtata almaıdy», - dedi Nursultan Nazarbaev.

Elbasynyń aıtýyna qaraǵanda, bul ýrbanızatsııany basqaryp úırený kerek.

«Máselen, astanada da, Almatyda da sondaı máseleler bar. Sondyqtan, qalasaq ta, qalamasaq ta úlken mıllıon halqy bar qalalar báribir bolady. Taldaýshylar men sarapshylar bári bir aýyzdan «álemdi mıllıon halqy bar qalalar basqarady» degen pikirde. Boljam boıynsha, mıllıon halqy bar 600 qala bar delinedi. Ol shaharlarda ǵylym men bilim shyńdalady. Mádenıet damıdy. Mıllıon halqy bar qalany ólmes qalalar dep ataıdy. Nege? Sebebi, daǵdarys kezinde de onda jumys kúshi bar. Úlken qalalar ónim shyǵaryp satsa, satyp alýshylar da tabylady. ıAǵnı, qala óz-ózin qamtı alady», - dedi ol.

Nursultan Nazarbaev Almatynyń halqy 2 mln adamǵa taqap qalǵanyn, elordada 1,25 mln adam ekenin, Shymkenttiń 1 mln halqy baryn eske saldy.

«Jarty mıllıon halqy bar Qaraǵandy, Aqtóbe sekildi qalalar da jyl sanap ósip keledi», - dedi ol.