«Úlken el - úlken otbasy» jalpyulttyq jobasy QHA jumysyn jańa sapalyq deńgeıge kóterýi tıis - N.Shaıahmetov
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi «Úlken el - úlken otbasy» jalpyulttyq jobasyn júzege asyrý máselelerine arnalǵan brıfıngte «Qoǵamdyq kelisim» RMM ǵylymı qyzmetiniń basshysy Nurbek Shaıahmetov aıtty.
«Úlken el - úlken otbasy» jalpyulttyq jobasy Qazaqstan halqy Assambleıasynyń jumysyn jańa sapalyq deńgeıge kóterýi tıis. Ol úsh tujyrymdalyq baǵyttarǵa súıenedi. Eń birinshisi -qaıyrymdylyq. Nege bizge danyshpan ál-Farabı aıtqandaı, qaıyrymdy el turǵyndary bolmasqa? Ekinshi tujyrymdamalyq negiz - ol qoǵamda medıatsııa ınstıtýtynyń damýy. Úshinshisi - qoǵamdyq baqylaý róliniń kúsheıýi. Mine, osy baǵytta negizgi keshendi is-sharalar júzege asyrylady», - dedi N.Shaıahmetov.
Ol óz sózinde «Úlken el - úlken otbasy» jalpyulttyq jobasy aıasyndaǵy sharalar qoǵamdyq-buqaralyq, qaıyrymdylyq, ǵylymı-tanymdyq baǵytta órbıtindigin atap ótti.
Onyń aıtýynsha, ótkizilgen ekspedıtsııanyń maqsaty elimizdiń, halqymyzdyń tarıhı-mádenı, rýhanı qundylyqtary men muralary negizinde qazaqstandyq bılikti, ulttyq birlikti nyǵaıtý, odan ary damytý bolǵan.