«Úlken dýlyǵa» týrnıri: Novak Djokovıch 24-shi márte chempıon atandy

ASTANA. QazAqparat – Serbııalyq tennısshi Novak Djokovıch AQSh ashyq chempıonatynyń jeńimpazy atandy, dep habarlaıdy QazAqparat tilshisi.

N.Djokovıch fınalda reseılik, álemniń 3-raketkasy Danııl Medvedevti 6:3, 7:6 (7:5), 6:3 esebimen tize búktirdi.

Osylaısha, álemdik reıtıngte qaıtadan kósh bastaıtyn serbııalyq sportshy «Úlken dýlyǵa» týrnırin 24 ret utyp aldy. Bul kórsetkish jóninen ol aýstralııalyq tennısshi Margaret Kortpen teńesti.

Jarystaǵy jeńisi úshin Djokovıch 2 myń reıtıngilik upaıǵa ıe bolyp, 3 mln AQSh dollary kóleminde tabys tapty. D.Medvedevtiń úlesine 1200 reıtıngilik upaı men 1,5 mln dollar tıdi.

Sonymen qatar 36 jastaǵy Djokovıch AQSh ashyq chempıonaty tarıhynda eń jasy úlken jeńimpaz boldy. Novak aýstralııalyq Ken Rozýoldyń rekordyn jańartty. Bul tennısshi 1970 jyly 35 jasynda úzdik shyqqan edi.

Eske sala keteıik, budan buryn AQSh ashyq chempıonatynda 19 jastaǵy tennısshiniń jeńimpaz atanǵanyn jazǵan bolatynbyz.