Úlken Almaty jolyna kesilgennen 4 ese kóp aǵash egiledi

ALMATY. QazAqparat – Búginde Úlken Almaty aınalma jolynyń qurylysy júrip jatyr. Jol salý barysynda aǵashtar kesilýde. Kesilgen aǵashtar qalaı qalpyna keltiriledi? Bul suraqqa atalǵan joldy salýǵa jaýapty kompanııanyń basshysy Aıman Januzaqova jaýap berdi, dep habarlaıdy QazAqparat tilshisi.

«Jobaǵa sáıkes biz 16 myń túp aǵash kesiledi. Biraq, biz ony birneshe eselep qaıtarýǵa mindettimiz. ıAǵnı 1 túp aǵash kessek, ornyna 5 túp aǵash otyrǵyzý talaby qoıyldy. Bizde aǵash otyrǵyzýmen qatar, ekologııany jaqsartýǵa arnalǵan joba bar, demek bizdiń mindet kesilgen aǵashty qaıta qalpyna keltirýmen shektelmeıdi. Odan bólek, bizdiń kompanııa aınalma joldyń sapasy men kútimine 16 jyl boıy jaýapty bolady», - dedi «BAKAD Investıtsıı ı Operatsıı» JShS-nyń dırektory Aıman Januzaqova.

Onyń aıtýynsha, «Batys Eýropa – Batys Qytaı» tranzınttik dálizine qarasty atalǵan jobanyń áleýmettik-ekonomıkalyq mańyzǵa ıe.

Buǵan deıin QazAvtoJol ulttyq kompanııasy AQ Almaty oblystyq fılıalynyń dırektorynyń mindetin atqarýshy Bolatbek Aıtbaev ÚAAAJ memlekettik joba ekenin jáne onyń qashan paıdalanýǵa beriletinin aıtty.

«Úlken Almaty aınalma avtomobıl joly (ÚAAAJ) birinshiden, kólik keptelisi máselesin azaıtady, ekinshiden qalanyń basqa óńirlermen qarym-qatynasy úshin mańyzdy. Aınalma jol Almaty qalasymen qatar, oblystyń Qarasaı, Іle jáne Talǵar aýdandaryn baılanystyrady. Jobany ýaqytynan buryn aıaqtap, 2023 jyly halyq ıgiligine beremiz dep kózdep otyrmyz», - dedi B. Aıtbaev.