Úlken Almaty sý alabynda qar kóshkini júrýi múmkin

ALMATY. QazAqparat - Almaty qalasynyń tótenshe jaǵdaılar departamenti taýda abaı bolýǵa shaqyrdy, dep habarlaıdy QazAqparat tilshisi.

«7 aqpan kúni jylymyqtyn áserinen jáne qar jamylǵysynyń turaqsyz bolýyna baılanysty Úlken jáne Kishi Almaty sý alabynda qar kóshkini júrýi múmkin. Qıyn jaǵdaıǵa urynbas úshin taý bókterine shyǵýǵa tyıym salynady. Taýda abaı bolyńyzdar», - dep eskertedi Almaty qalalyq TJD baspasóz qyzmeti.

Osyǵan oraı, Almaty qalalyq TJD mynadaı málimdemesin jarııa etti:

- qatty jaýyn-shashyn ( qar, jańbyr) nemese qatty jel týraly daýyl týraly eskertý jarııalanǵan jaǵdaıda, tipti taýly aımaqqa barýdy keıinge qaldyrǵan durys.

- eger siz kishigirim topyraq kóshkinderdi baıqasańyz, onda taýǵa barmaǵanyńyz jón.

Jaýyn-shashyn túsken jaǵdaıda tómen taýly aımaqta topyraq kóshkin bolýy múmkin.

- Eger siz taýda bolsańyz, muqııat bolyńyz jáne aýa raıynyń ózgerýin qadaǵalańyz.

- taý bókterinde qardyń jyljýyn, qardyń túıirshikterin baıqasańyz, onda taýlarǵa barmaǵanyńyz jón-bul qardyń turaqsyz kúıde ekenin, kóshkinniń qaýipi múmkin ekenin bildiredi.

- úıge qaıtýdy táýliktiń kesh ýaqytyna keshiktirmeńiz, keri baǵytty taba almaýyńyz múmkin.

- rıýkzaktarda mynalar bolýy tıis: jyly kıimder,kútpegen jaǵdaıda dárigerge deıingi kómek kórsetýge arnalǵan dári qobdıshasy, GPS navıgatorlarynyń bolýy artyq bolmaıdy.

- týǵan-týystaryńyz ben jaqyndaryńyzdy marshrýtyńyzdyń baǵyty jáne ornalasqan jerińizdi barynsha tolyq habardar etý óte mańyzdy.