Úlken Almaty kólinde konkımen syrǵanaǵan qyzdyń vıdeosyn mıllıon adam kórgen

ALMATY. QazAqparat - Almatylyq stýdent Ksenııa Pankratova Úlken Almaty kólinde konkımen syrǵanaýy almatylyqtardyń arasynda ekiudaı pikir týdyrdy, dep habarlaıdy QazAqparat tilshisi. 

Áleýmettik jelide jarııalanǵan bul beınerolıkti 2 apta ishinde 1 mıllıon adam qaraǵan.

Áleýmettik jeli qoldanýshylarynyń kópshiligi boıjetkenniń bıi men syrǵanaý mánerine tań qalysty. Keıbireýler bul vıdeonyń Kanada kólderinde, Sibirdegi Baıkal kólinde túsirilgen dep topshylaǵan.

Al qoldanýshylardyń keıbiri bul vıdeony zańǵa qaıshy dep tapty.

«Úlken Almaty kóli qalanyń aýyz sýy rezervýary bolyp tabylady. Bul qyz qalaısha sony taptap, ústinde júr. Shekara qyzmetkerleri, qaraýyldar qaıda? Biz endi osy sýdy ishemiz be?», degen ashýly kommentarııler qaldyrdy.

Іle Alataý parkiniń basshylyǵy boıjetkenge ruqsat bermegen.

«Negizi, Úlken Almaty kólinde túsýge tıis ruqsat etilmeıdi. Qazir biz quzyrly organdarmen bul áreketke qandaı shara qoldaný kerektigin sóılesip jatyrmyz. Týrısterge tyıym salynǵan jáne ruqsat etilgen áreketterdi túsindirý jumystaryn júrgizetin bolamyz»,- dedi Ulttyq park ókilderi.
Aıta ketýge kerek, vıdeo qarashanyń aıaǵynda túsirilgen. Muzdyń qalyńdyǵy ol kezde 15-20 santımetr bolǵan.