Úlken Almaty kóli mańynda Aýstralııa azamaty joǵalyp ketti
Almaty qalalyq TJD-nyń málimetinshe, 22 mamyr kúni saǵat 22.25-te Respýblıkalyq jedel-qutqarý jasaǵy, 109 qutqarý qyzmetiniń qutqarýshylary men «Dobrospas» eriktileri Bostandyq aýdanyndaǵy Úlken Almaty kóli mańynda joǵalyp ketken (taýly aımaq) 1995 jyly týǵan Aýstralııa azamatyn izdeýge jiberildi.
«Habarlama Almaty qalasy polıtsııa departamentiniń jedel basqarý ortalyǵy kezekshisinen tústi. Saǵat 21.05-te hostelden shyqqan er adam aldyn ala málimet boıynsha Úlken Almaty kóli baǵytynda shyǵyp, qaıta oralmaǵan. Oqıǵa ornynda jedel shtab qurylyp, qalanyń barlyq jedel qyzmetteri tartylyp, dron iske qosyldy», - dep habarlady TJD -da.
Eriktiler Instagram -da 21 mamyr kúni Herd Jake Michael esimdi Aýstralııanyń azamaty Qazybek bı, 66 mekenjaıynda ornalasqan hostelden shyǵyp, Úlken Almaty kóline ketkenin jazdy.