Úlken Almaty aınalma jolynda avtokólikter soqtyǵysyp, eki adam mert boldy
«18 maýsym saǵat 10:00 shamasynda KIA avtokóliginiń 1994 jylǵy júrgizýshisi «Almaty-Kókpek-Kóktal» avtojolynyń 21-shaqyrymynda júrip kele jatyp, rýldi basqara almaı, Úlken Almaty aınalma jolyna aparatyn jolǵa shyqqan. Osydan keıin ol 1972 jylǵy jaıaý júrginshini qaǵyp, «ZıL» sýarmaly júk kóligimen soqtyǵysqan. Apat saldarynan jaıaý júrginshi, sondaı-aq KIA avtokóliginiń jolaýshysy 1981 jylǵy azamat oqıǵa ornynda qaıtys boldy. Sonymen qatar, júrgizýshi de kóptegen dene jaraqatymen aýrýhanaǵa jetkizilip, esin jımastan kóz jumdy», - delingen Almaty oblystyq polıtsııa departamenti baspasóz qyzmetiniń habarlamasynda.
Vedomstvonyń aqparatyna sáıkes, atalǵan avtokóliktiń taǵy bir jolaýshysy dene jaraqatymen Almaty qalasyndaǵy aýrýhanaǵa jatqyzylǵan.
Derek QR QK 345-babynyń 4-bóligi boıynsha Talǵar aýdany poıtsııasynda tirkeldi.
Qazirgi ýaqytta osy jol-kólik oqıǵasynyń barlyq mán-jaıyn obektıvti zertteýge baǵyttalǵan saraptama jáne tergeý júrip jatyr.