Úlken Almaty aınalma avtomobıl jolymen júrý quny qansha bolady

ASTANA. QazAqparat – Indýstrııa jáne ınfraqurylymdyq damý mınıstrligi «Úlken Almaty aınalma avtomobıl jolynyń» ýchaskelerin aqyly negizde paıdalaný týraly buıryq-jobasyn jarııalady. Qujat «Ashyq» NQA portalyna ornalastyrylǵan, dep habarlaıdy QazAqparat tilshisi.

Buıyryqta kórsetilgendeı, jol júrý quny avtokóliktiń júrip ótken jolyna baılanysty bolmaıdy. Ózgeriske saı, endi kólik júrgizýshileri myna somany tóleıdi:

- jeńil avtomobılder - 0,07 AEK (241,5 teńge);

- 16 jolaýshy ornyna deıingi avtobýstar jáne júk kótergishtigi 2,5 tonnaǵa deıingi júk avtomobılderi - 0,12 AEK (414 teńge);

- 32 jolaýshydan artyq adam syıatyn avtobýstar jáne júk kótergishtigi 5,5 tonnaǵa deıingi júk avtomobılderi - 0,22 AEK (759 teńge);

- 32 jolaýshydan artyq adam syıatyn avtobýstar jáne júk kótergishtigi 10 tonnaǵa deıingi júk avtomobılderi - 0,36 AEK (1 242 teńge);

- júk kótergishtigi 10 tonnadan 15 tonnaǵa deıingi júk avtomobılderi - 0,43 AEK (1483,5 teńge);

- júk kótergishtigi 15 tonnadan bastalatyn, onyń ishinde tirkemeleri bar júk avtomobılderi - 0,72 AEK (2 484 teńge).

Sondaı-aq, «Úlken Almaty aınalma avtomobıl joly» arqyly ótý úshin 1 aı jáne 1 jylǵa abonement qarastyrylǵan.

Bir aıǵa abonement:

- jeńil avtomobılder - 0,5 AEK (1 725 teńge);

- 16 jolaýshy ornyna deıingi avtobýstar jáne júk kótergishtigi 2,5 tonnaǵa deıingi júk avtomobılderi – 2,5 AEK (8 625 teńge);

- 32 jolaýshydan artyq adam syıatyn avtobýstar jáne júk kótergishtigi 5,5 tonnaǵa deıingi júk avtomobılderi - 4 AEK (13 800 teńge);

- 32 jolaýshydan artyq adam syıatyn avtobýstar jáne júk kótergishtigi 10 tonnaǵa deıingi júk avtomobılderi - 5 AEK (17 250 teńge);

- júk kótergishtigi 10 tonnadan 15 tonnaǵa deıingi júk avtomobılderi - 6,5 AEK (22 425 teńge);

- júk kótergishtigi 15 tonnadan bastalatyn, onyń ishinde tirkemeleri bar júk avtomobılderi – 8,5 AEK (29 325 teńge).

Bir jylǵa abonement:

- jeńil avtomobılder - 10 AEK (34 500 teńge);

- 16 jolaýshy ornyna deıingi avtobýstar jáne júk kótergishtigi 2,5 tonnaǵa deıingi júk avtomobılderi - 30 AEK (103 500teńge);

- 32 jolaýshydan artyq adam syıatyn avtobýstar jáne júk kótergishtigi 5,5 tonnaǵa deıingi júk avtomobılderi - 50 AEK (172 500 teńge);

- 32 jolaýshydan artyq adam syıatyn avtobýstar jáne júk kótergishtigi 10 tonnaǵa deıingi júk avtomobılderi - 60 AEK (207 000 teńge);

- júk kótergishtigi 10 tonnadan 15 tonnaǵa deıingi júk avtomobılderi - 80 AEK (276 000teńge);

- júk kótergishtigi 15 tonnadan bastalatyn, onyń ishinde tirkemeleri bar júk avtomobılderi – 100 AEK (345 000 teńge).

Paıdalanýshy jol júrý aqysyn mynadaı tásildermen tóleıdi:

- kontsessıoner belgilegen aqy alý júıesiniń kómegimen avtokólik quralynyń memlekettik tirkeý nómirlik belgisi boıynsha shotqa aqsha qarajatyn engizý jolymen aldyn ala tólem boıynsha;

- kontsessıoner basqaratyn aqyly jolǵakirgennen bastap týyndaǵan bereshekti 7 kún ishinde óteý jáne avtokólik quralyn olardyń qoldanylý aımaǵynda baqylaý arkalary tirkegennen keıingi tólem.

Qujat 17 sáýirge deıin kópshilik talqylaýda bolady.