Úlken Almaty shatqalynda er adam qaıtys boldy

<p>ALMATY. KAZINFORM &ndash; Úlken Almaty shatqalynyń taýlarynda 66 jastaǵy er adam kóz jumdy. Bul týraly Respýblıkalyq jedel-qutqarý jasaǵynyń baspasóz qyzmeti habarlady.</p>

– 1958 jylǵy er adam taýǵa jalǵyz shyqqan. Keı̆innen kelisken ýaqytynda baı̆lanysqa shyqpaǵandyqtan, týystary qutqarýshylardy shaqyrdy. RJQJ jedel toby er adamnyń denesin Úlken Almaty kólinen tómen ornalasqan tóbelerden taýyp, alańǵa túsirip polıtsııa qyzmetkerlerine tapsyrdy, - dep habarlaıdy RJQJ baspasóz qyzmeti.

Respýblıkalyq jedel-qutqarý jasaǵy qart adamdarǵa taýda kelesi qaýipsizdik sharalaryn saqtaýǵa shaqyrady:

1. Jalǵyz júrmeńiz. Egde jastaǵy adamdarǵa qoldaý men qaýipsizdikti qamtamasyz etý úshin toppen taýǵa barýǵa keńes beriledi.

2. Jeńil marshrýttardy tańdańyz. Belgisiz jerderge barmańyz jáne aýa-raı̆y boljamyn qadaǵalańyz. Josparlaryńyz týraly aldyn ala aıtyp qoıyńyz.

3. Bıiktikke beı̆imdelý úshin birtindep kóterilińiz.

4. Jıi úzilis jasańyz, jetkilikti sý ishińiz jáne dári-dármekter men alǵashqy kómek jınaǵyn alyp júrińiz.

5. Relefte jaqsy ustaı̆tyn yńǵaı̆ly aıaq kıim kıińiz, aýa-raıyyna saı kıinińiz jáne trekkıng taıaqshalaryn qoldanyńyz.

6. Kartany jáne kompasty nemese GPS-ti alyp júrińiz.