Úlken Almaty shatqalynda adasyp ketken týrıster ózdigimen tómen túse almaı qalǵan

<p>ALMATY. KAZINFORM &ndash; Respýblıkalyq jedel-qutqarý jasaǵynyń qutqarýshylary Úlken Almaty shatqalynda adasyp ketken eki týrısti qutqardy.</p>

Respýblıkalyq jedel-qutqarý jasaǵynyń Instagram paraqshasynda qutqarýshylar týrıstterdi tómen túsirip jatqan sátiniń vıdeosy shyqty. 

Respýblıkalyq jedel-qutqarý jasaǵynyń málimetinshe, 25 naýryz kúni eki jas azamat Úlken Almaty shatqalyndaǵy Japon jolymen joǵary qaraı kóterilgen. Tómenge túsý kezinde olar kelgen baǵyttarynan adasyp qalǵan.

«Saǵat 14.30-da kómek kórsetý úshin Respýblıkalyq jedel-qutqarý jasaǵynyń qutqarýshylary oqıǵa ornyna attanady. Qutqarýshylar saǵat 15.17-de birinshi týrıstti, saǵat 15.48-de ekinshi týrıstti shatqaldan túsiredi», - dep habarlady RJQJ-nyń baspasóz qyzmeti.

Qutqarýshylar taýǵa shyqqan kezde qaýipsizdik erejelerin este saqtaýdy, kómek qajet bolǵan jaǵdaıda, 112 nómirine qońyraý shalý kerektigin eskertti.