Úlken Almaty ózeniniń jaǵalaýy abattandyrylady

<p>&nbsp;ALMATY. KAZINFORM &ndash; Úlken Almaty jaǵalaýyn kóriktendirý jumysy kelesi jyly bastalady. Bul týraly qalalyq máslıhattyń baspasóz qyzmeti habarlady.</p>

– Almatyda kelesi jyly uzyndyǵy 5,7 km, aýmaǵy 23,4 ga bolatyn Úlken Almaty ózeniniń jaǵalaýyn kóriktendirý jumystary bastalady.2025–2027 jyldarǵa arnalǵan tıisti bıýdjet jobasy aldaǵy máslıhat sessııasynda qaralady,– delingen habarlamada.

Jobaǵa betondy tirek qurylymdaryn jańartý, jaıaý júrginshiler men velosıped joldaryn salý, kópirler ornatý, jaryqtandyrý tirekterin, beınebaqylaý kameralaryn, balalar men sport alańdaryn, demalys aımaqtaryn jáne modýldik qoǵamdyq dárethanalardy ornalastyrý kiredi.
Sonymen qatar, aýmaqty kógaldandyrý jáne qaraý alańdaryn jasaý kózdelgen.

Aıta ketsek, 2024 jyly Almatynyń Alataý aýdanynda Boraldaı ózeni boıyndaǵy 24 gektar aýmaqty qamtıtyn jasyl aımaqty kóriktendirý aıaqtalǵan bolatyn. 

Osyǵan deıin Saıran kóliniń jaǵalaýyn abattandyrýǵa 4 mlrd teńge jumsalatyny týraly jazǵan bolatynbyz.