Úlken Almaty kóline baratyn jol taǵy jabyldy

<p>&nbsp; Úlken Almaty kóline baratyn avtokólik joly jabyldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

«QazAvtoJol» AQ málimetinshe, jol qozǵalysyna qatysýshylardyń qaýipsizdigin qamtamasyz etý, tártip pen tazalyqty saqtaý maqsatynda Úlken Almaty kóline baratyn respýblıkalyq mańyzy bar R-22 «Almaty-Kosmostantsııa» avtojolynda (15-34 shaqyrym) kólik qozǵalysyna shekteý engizildi.

«Qyzmettik mindetterin oryndaý úshin júrip ótýge tek Ulttyq saıabaq qyzmeti, shekara zastavasy, «Kosmostantsııa» ǵylymı bazasy, meteorologııalyq jáne gıdrologııalyq qyzmetterge ruqsat etiledi (bekitilgen tizimge sáıkes jáne tek qyzmettik avtokólikpen)», - «QazAvtoJol» AQ baspasóz qyzmeti.

Eske salaıyq, 2020 - 2023 jyldar aralyǵynda Úlken Almatyǵa baratyn jol jabyq bolǵan. Bıyl jol ashylǵan kezde ekologtar Úlken Almaty kóline baratyn joldy qaıta jaýyp, týrısterdi tek ekologııalyq kólikpen aparýdy usynǵan edi.