Úlken Almaty aınalma avtojolynyń keıbir jolaqtarynda qozǵalys ýaqytsha shekteledi

<p>ASTANA. KAZINFORM - Búgin Úlken Almaty aınalma avtomobıl jolynda (BAKAD) tósemdegi jol belgilerin jańartý jumystary bastaldy, dep habarlaıdy Kólik mınıstrliginiń baspasóz qyzmeti.</p>

Osyǵan baılanysty mamyr aıynda keıbir jolaqtarda qozǵalysty ýaqytsha shekteý engiziledi. Bul sharalar jol qozǵalysynyń qaýipsizdigi men jaılylyǵyn arttyrýǵa baǵyttalǵan. Jańartylǵan belgiler jolaqtardyń shekaralaryn anyq kórsetedi, bul óz kezeginde júrgizýshilerge baǵyt-baǵdardy jaqsartýǵa kómektesip, tótenshe jaǵdaılar qaýpin azaıtady.

Osy rette Avtomobıl joldary komıteti qozǵalysqa qatysýshylardy atalǵan jumystardyń oryndalý kezeńinde jolda qyraǵy bolýǵa shaqyrady.

Jumystardy aıdyń sońyna deıin aıaqtaý josparlanyp otyr.