Jıyndy Ulytaý oblysynyń ákimi Dastan Adaıuly Ryspekov júrgizdi.
Jıyndy ashqan Dastan Adaıuly Qazaqstan halqy Assambleıasynyń etnosaralyq kelisim men jalpyulttyq birlikti nyǵaıtýdaǵy sheshýshi rólin atap ótti.
— Búgingi tańda árqaısymyz úshin beıbitshilik pen kelisimdi saqtaý, qolymyzda bardy qadaǵalap otyrý burynǵydan da mańyzdy. Al bizde bar eń bastysy — turaqtylyq, ózara túsinistik jáne basymyzdaǵy beıbit aspan. Halyq birligi — bizdiń basty baılyǵymyz ári tabysty bolashaqtyń kepili, — dedi ol.
Jıyn barysynda assambleıa qurylymdarynyń búgingi jumysy, etnosaralyq qarym-qatynasty nyǵaıtý, jastar bastamalaryn qoldaý jáne óńirdegi etnomádenı áralýandylyqty damytý baǵytyndaǵy jobalarǵa keńinen toqtalǵan Ulytaý oblysy ákimdiginiń «Qoǵamdyq Kelisim» mekemesiniń dırektory Seıtjanova Gúlbaný Orynbasarqyzynyń baıandamasy tyńdaldy.
QHA músheleri Tatıana Ivanovna Hmılıarchýk pen Aleksandr Sergeevıch Kım de qatysýshylarǵa quttyqtaý sóz sóıledi. Olar mádenı murany saqtaýdyń, jastar arasynda ártúrli halyqtardyń salt-dástúrlerine qurmetpen qaraýdy tárbıeleýdiń mańyzdylyǵyn, qazirgi jaǵdaıda qoǵamdy biriktirýdiń mańyzdylyǵyn atap ótti.
Jıyn «Qazaqstan halqy Assambleıasyna 30 jyl» mereıtoılyq medaldaryn saltanatty túrde tapsyrýmen aıaqtaldy. Bul joǵary nagrada qoǵam ókilderine qoǵamdyq-saıası turaqtylyqty, etnosaralyq kelisimdi nyǵaıtýǵa qosqan erekshe úlesi jáne QHA qyzmetine belsendi qatysqany úshin berildi.
Aıta ketelik Qazaqstan halqy Assambleıasynyń músheleri mereıtoılyq medaldarmen marapattalǵan edi.