Ulytaý oblysynyń qutqarýshylary joǵalǵan 5 adamdy aman-esen tapty

<p>Ulytaý oblysynda joǵalǵan 5 adam tabyldy, dep habarlaıdy <a href="Kazinform." target="_blank" rel="noopener">Kazinform.</a>&nbsp;</p>

Tótenshe jaǵdaılar mınıstrligi baspasóz qyzmetiniń málimetinshe, 7 qańtarda Ulytaý oblysy TJD jedel kezekshisine Taraz qalasynyń azamatshasynan 3 qańtar kúni Taraz qalasynan Ulytaý oblysy Ulytaý aýdanynyń Koskól aýylyna saǵat 18:00-de «Nıva» avtokóligimen 5 jumysshy (1981 j. t., 1988 j. t., 1973 j. t., 1972 j. t., 1968 j. t.) jolǵa shyqqany, keıin baılanys aıasynan tys qalǵany, qaıta oralmaǵany týraly habarlama kelip túsken. 

Ertesine saǵat 09:00-de Ulytaý jáne Qyzylorda oblystarynyń TJD, PD, jergilikti atqarýshy organdarynyń jáne turǵyndarynyń, týystarynyń 30 adam jáne 3 birlik tehnıka quramynda Qoskól aýylynan 250 km radıýsta joǵalǵan 5 adamdy izdestirý jumystary júrgizildi. 

Іzdeý jumystarynyń nátıjesinde 8 qańtarda saǵat 17:55-te dalada joǵalyp ketken azamattar aman-esen tabyldy. Zardap shekkender joq.