19:09, 15 Sáýir 2026

Ulytaý oblysynyń densaýlyq saqtaý basqarmasyn Rústem Nysambaev basqarady

JEZQAZǴAN. KAZINFORM - Óńirde densaýlyq saqtaý júıesine jańa basshy taǵaıyndaldy, Bul qyzmetke kópjyldyq tájirıbesi bar hırýrg keldi. Onyń eńbek joly Jezqazǵan men Sátbaev qalalaryndaǵy jetekshi medıtsınalyq mekemelermen baılanysty, sondaı-aq basqarýshylyq tájirıbesi de bar.

Foto: Ulytaý oblysy ákimdigi

Ulytaý oblysy densaýlyq saqtaý basqarmasynyń basshysy bolyp Rústem Nysambaev taǵaıyndaldy.

Rústem Serikuly Qaraǵandy memlekettik medıtsına akademııasynyń túlegi. Eńbek jolyn 2008 jyly Sátbaev qalasynyń medıtsınalyq-sanıtarlyq bóliminde bastaǵan.

2013-2016 jyldary Jezqazǵan qalasyndaǵy «Qazaqmys» medıtsınalyq ortalyǵynda qyzmet atqardy.

Odan keıin 2016 jyldan 2025 jylǵa deıin Jezqazǵan qalasynyń oblystyq kópsalaly aýrýhanasynda birqatar jaýapty qyzmetterdi atqardy, jaraqat bólimin basqardy jáne hırýrgııalyq qyzmetke jetekshilik etti.

2025 jyldan bastap jańa taǵaıyndaýǵa deıin Sátbaev qalasynyń aýrýhanasyn basqarǵan.

Osyǵan deıin Shymkent qalalyq Orta sapasy jáne baqylaý basqarmasynyń basshysy bolyp Berik Dúısenov taǵaıyndalǵanyn habarlaǵan bolatynbyz.

Densaýlyq Taǵaıyndaý Ulytaý oblysy

Aızada Agılbaeva

Rabotaet v MIA "Kazınform" s fevralıa 2019 goda. Vysshee obrazovanıe: KarGÝ ım. E.A. Býketova, kafedra jýrnalıstıkı. Rodılas v poselke Akchataý, Shetskogo raıona, Karagandınskoı oblastı.