Ulytaý oblysynyń aýrýhanasy «óli jandarǵa» jalaqy tólep kelgen

<p>Ulytaý oblysy Qarajal qalasynyń prokýratýrasy Jáırem kentiniń aýrýhanasynda bıýdjet qarajatyn jymqyrý faktisin anyqtady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Osy medıtsınalyq mekemeniń býhgalterleri B. jáne T. 2021-2022 jyldary aýrýhanada is júzinde jumys istemegen adamdarǵa («óli jandar») zańsyz 5,1 mln teńge aýdarǵan. Ári qaraı jymqyrylǵan qarajatty atalǵan býhgalterler óz paıdalaryna ıemdengen. Bul fakti boıynsha prokýratýra Qylmystyq kodekstiń 189-baby (Senip tapsyrylǵan bótenniń múlkin ıemdený nemese talan-tarajǵa salý) boıynsha tergeý júrgizgen.

«Qarajal qalalyq sotynyń úkimimen (zańdy kúshine endi) Jáırem kenti aýrýhanasynyń býhgalterleri kináli dep tanylyp, olarǵa bas bostandyǵyn shekteý túrindegi jazalar taǵaıyndaldy — 2 jyl jáne 3 jyl 6 aı merzimge).

Qazirgi ýaqytta atqarýshylyq is júrgizý qozǵalyp, memleketke keltirilgen zalaldy óteý boıynsha sharalar qabyldanyp jatyr», — delingen Ulytaý oblysy prokýratýrasynyń málimetinde.