Ulytaý oblysyndaǵy mal ólimi týraly Aýyl sharýashylyǵy mınıstrligi málimdeme jasady
25-27 naýryz aralyǵynda arnaıy top jylqy óliminiń aýqymy boıynsha derekterdi ózektendirýdi, janýarlardyń ólekselerin joıý úderisimen tanysýdy, mal ıelerine keltirilgen zalaldy azaıtý sharalaryn qaraýdy jáne jergilikti jerlerdegi epızootııalyq jaǵdaıdy taldaýdy júrgizdi.
Aralaý, sondaı-aq halyq arasynda, aýyldyq okrýg ákimderi men fermerlerge saýalnama júrgizý nátıjesinde tómendegi jaıttar anyqtaldy:
— ózektendirilgen is júzinde joıylǵan jylqy ólekseleriniń 1 475 birligi tirkeldi;
— qulaǵan jylqy basynyń basym bóliginde sáıkestendirý nómirleri joq (chıpter nemese tavro joq), tıisinshe, AShJB derekqorynda tirkelmegen;
— aýdandyq veterınarııalyq stantsııalarǵa mal ıelerinen ólim faktileri týraly ótinish túsken joq.
Aıta ketý kerek, jeke jáne zańdy tulǵalardyń mal ıeleriniń janýarlardy sáıkestendirýdi qamtamasyz etý mindettemeleri bar («Veterınarııa týraly» zań 25-bap, 5-tarmaq) ıaǵnı, mal satyp alý, soıý, satý týraly habarlaý kerek. Zań talaptaryn saqtamaý ákimshilik quqyq buzýshylyq týraly Kodekske sáıkes aıyppul salýǵa ákep soǵady. Osyǵan baılanysty mal ıeleri oǵan óz quqyǵyn málimdeýge asyqpaıdy, óıtkeni olar jaýapqa tartylýy múmkin ekenin túsinedi.
Vıtse-mınıstr memleketten qoldaý jáne basqa da jeńildikter alý, eger mal resmı tirkelgen jaǵdaıda ǵana múmkin bolatynyn atap ótti. Sonymen qatar veterınarııalyq talaptardy tirkeý jáne saqtaý halyqty mal óliminen jáne qaýipti aýrýlardyń taralýynan saqtaıdy. Bul rette esepke alý bolmaǵan jaǵdaıda mundaı mal ósirýshiler jem-shópke sýbsıdııa túrinde memleketten qoldaý ala almady. 2023 jyldyń qorytyndysy boıynsha Ulytaý oblysy jemshópti sýbsıdııalaýǵa 1,4 mlrd teńge aldy.
2023 jyldyń jeltoqsan aıynan bastap «Azyq-túlik korporatsııasy «UK» AQ 60-62 myń tg/tonna baǵamen jem-shóp satady. Satyp alýdy qus fabrıkalary da, mal sharýashylyǵy da júrgizedi. Jem-shóp qoryn satý týraly aqparat kompanııanyń saıtynda ornalastyrylǵan, al Azyq-túlik korporatsııasy 26 naýryzda Ulytaý oblysyna jem-shóp satyp alý týraly usynyspen jeke hat joldady.
QR AShM tólemdi keıinge qaldyrý sharttarynda iske asyrylýy múmkin mal ıeleriniń ótinimderi boıynsha jemshóp tasymaldaýdy uıymdastyrýǵa daıyn ekeni týraly habarlaıdy. Ótinimderdi Azyq-túlik korporatsııasyna nemese ákimdikter arqyly resmı túrde berýge bolady.
Esterińizge sala keteıik, Aýyl sharýashylyǵy mınıstrligi 2024 jylǵy aqpanda aýa-raıy ózgergen kezde operatsııalyq shtabtyń qyzmeti sheńberinde janýarlardyń ólimin boldyrmaý maqsatynda jylqylardy tebindikten qoraǵa ustaýǵa aýystyrý jóninde usynystar bergen bolatyn. Budan basqa, 1 naýryzdan bastap QR AShM jergilikti atqarýshy organdarmen birlesip mal ólimine monıtorıng júrgizip, tirkep jatyr. Qazirgi ýaqytta veterınarııalyq mamandar árbir bastyń ólý sebepterin anyqtaýǵa jáne ýshalardy joıý jumystaryna jumyldyrylǵan.