Ulytaý oblysynda jolda turyp qalǵan 30-dan astam kólik shyǵaryldy - QazAvtoJol

<p>ASTANA. KAZINFORM - Ulytaý oblysynda tolassyz jaýǵan jaýyn saldarynan &laquo;Qyzylorda-Jezqazǵan&raquo; avtojolynyń 12-424 shaqyrym aralyǵyndaǵy jol ýchaskesiniń jamylǵysynda shuńqyrlar paıda bolyp, 30-dan astam kólik balshyqta turyp qaldy, dep habarlaıdy &laquo;QazAvtoJol&raquo; UQ&raquo; AQ baspasóz qyzmeti.</p>

Baspasóz qyzmetiniń málimetterine qaraǵanda, «QazAvtoJol» fılıal mamandary shuǵyl sharalar qabyldap, qozǵalysqa ýaqytsha shekteý qoıylǵan kezde avtokólikterdi balshyqtan shyǵarý jumystaryn atqardy. Sondaı-aq qozǵalysty qalypqa keltirý úshin joldyń júrý bóligin tegistedi.

Atalmysh jumystarǵa 6 arnaıy tehnıka jumyldyryldy: 2 júk tıegish, avtogreıder, «Ýral» júk kóligi men 2 jol jóndeý qyzmetiniń tehnıkasy.

Mamandardyń birlesken jumystarynyń nátıjesinde ýchaskedegi kólik qozǵalysy tolyqtaı qalypqa keltirildi.

«Turǵyndar men júrgizýshiler joldyń jaǵdaıy boıynsha shuǵyl aqparatty táýlik boıy qyzmet kórsetetin 1403 baılanys ortalyǵyna habarlasý arqyly bilýge bolatynyn habarlaımyz», - delingen baspasóz baıanynda.

Osyǵan deıin Qaraǵandy oblysynda júk kólikteriniń qozǵalysyna shekteý qoıylǵany týraly habarladyq.