Ulytaý oblysynda jarty jylda jalpy óńirlik ónim kólemi 3%-ǵa ósken

<p>JEZQAZǴAN. KAZINFORM &ndash; Ulytaý oblysynda 2024 jyldyń 1-shi jartyjyldyǵy boıynsha jalpy óńirlik ónim 799 mlrd teńgeni qurap, byltyrǵy jyldyń sáıkes kezeńimen salystyrǵanda 3%-ǵa ósken, dep habarlaıdy Ulytaý oblysy ákimdiginiń baspasóz qyzmeti.</p>

Baspasóz málimetterine qaraǵanda, óńirde jan basyna shaqqanda, bul kórsetkish 3,6 mln teńgeni qurap, byltyrǵy jyldyń sáıkes kezeńimen salystyrǵanda 6%-ǵa ósti jáne ol respýblıkadaǵy eń joǵary kórsetkish bolyp tabylady (4 oryn, QR – 2,6 mln tg).

Oblystyń óńirler ekonomıkasynyń negizgi kórsetkishterin taldaý barysynda, áleýmettik-ekonomıkalyq damý reıtınginde Jezqazǵan qalasy kósh bastap tur.

Qala ekonomıkasy ósiminiń negizgi draıverleri qurylys (2 ese), ónerkásip (+17,8%), turǵyn úıdi paıdalanýǵa berý (+16%) jáne ınvestıtsııalar (+3,6%) boldy.

«Jalpy, jyl qorytyndysy boıynsha negizgi kórsetkishterdiń oń dınamıkasyn kútýdemiz», - delingen habarlamada. 

Osyǵan deıin Jezqazǵanda 400 oryndyq Oqýshylar saraıy salynatynyn jazdyq.