Ulytaý oblysynda saýda zańnamasyn buzǵan 243 saýda sýbektisi jaýapkershilikke tartyldy

<p>JEZQAZǴAN. KAZINFORM &mdash; Memlekettik baqylaýdyń negizinde Ulytaýda áleýmettik mańyzy bar azyq-túlik taýarlarynyń baǵasyn 30% deıin tómendedi. Bul týraly QR Saýda jáne ıntegratsııa mınıstrligi Saýda komıteti málimdedi.&nbsp;</p>

«Ulytaý oblysy boıynsha Saýda jáne tutynýshylardyń quqyqtaryn qorǵaý departamenti jyl basynan saýda zańnamasyn buzǵan 243 saýda sýbektisin ákimshilik jaýapkershilikke tartty. Jyl basynan „Saýda qyzmetin retteý týraly“ Zańynyń 9-babynyń 1-tarmaǵyn buzǵany úshin 226 saýda sýbektisi QR „Ákimshilik quqyq buzýshylyq týraly“ Kodeksiniń 204-4-baby boıynsha áleýmettik mańyzy bar azyq-túlik taýarlaryna 15% saýda ústemesiniń shekti mólsherin asyrǵany úshin ákimshilik jaýapkershilikke tartyldy. Onyń 195-i eskertý bolsa, 31 kásipkerlik sýbektisine jalpy somasy 572 200 teńgege aıyppul salyndy», — delingen komıtet habarlamasynda.

Memlekettik baqylaý sharalarynyń negizinde departament áleýmettik mańyzy bar azyq-túlik taýarlarynyń baǵasyn 5%-dan 30%-ǵa deıin tómendetti. Sondaı-aq Departament áleýmettik mańyzy bar azyq-túlik taýarlaryna saýda ústemesiniń zańnamada belgilengen mólsherden asyrmaý boıynsha jumysty jalǵastyryp jatyr.

Óńirdegi 15 saýda sýbektisine taýardyń satý quny vıtrınada kórsetilgen baǵamen sáıkes kelmegeni jáne taýarlardy baǵa japsyrmasymen rásimdemegeni úshin jalpy somasy 173 500 teńge aıyppul salyndy. Odan bólek óńirdegi kásipkerlik nysandar vıtrınada baǵa belgilerin ornatpaǵany úshin ákimshilik jaýapkershilikke tartyldy.

Máselen Jezqazǵan qalasyndaǵy dúkenderdiń birinde vıtrınadaǵy taýardyń baǵasy 500 teńge dep kórsetilgen, alaıda satý kezinde vıtrınada kórsetilgennen joǵary baǵa qoldanyp, 580 teńgege satylǵan. Departament mamandary atalǵan dúkenderge tekseris júrgizip, aıyppul túrinde ákimshilik jaýapkershilikke tartty.

Eske sala keteıik, Ulytaý oblysynda prokýratýranyń aralasýymen 218 mln teńge memleketke qaıtaryldy.