Ulytaý oblysynda iri mólsherde esirtki jetkizý arnasynyń joly kesildi
12:26, 10 Aqpan 2024
<p>ASTANA. KAZINFORM - Ulytaý oblysynda asa iri mólsherde esirtki jetkizý arnasynyń joly kesildi, dep habarlaıdy QR UQK baspasóz qyzmeti.</p>
2024 jylǵy qańtarda UQKD jedel qyzmetkerleri esirtki quraldary men psıhotroptyq zattardy ótkizdi degen kúdikpen Jezqazǵan jáne Sátpaev qalalarynyń 4 turǵynyn ustady.
Tintýler kezinde olardan 20 kg marıhýana, 2 kg gashısh, 250 gramm «alfa-PVP» psıhotroptyq zaty jáne 30 «marka» dep atalatyn LSD esirtkisi alyndy.
Qylmystyq kodekstiń 297-baby 3-bóligi boıynsha sotqa deıingi tergep-tekserý júrgizilýde.
Sot sanktsııasymen ustalǵan adamdarǵa qamaýda ustaý túrindegi bultartpaý sharasy tańdaldy.
QR Qylmystyq-protsestik kodeksiniń 201-baby 1-bóligine sáıkes ózge aqparat jarııa etýge jatpaıdy.