Ulytaý oblysynda kezekte turǵandarǵa páter berildi
18:10, 19 Naýryz 2024
<p>JEZQAZǴAN. KAZINFORM - «Naýryznama» onkúndigi aıasynda Ulytaý oblysynyń ortalyǵynda 33 otbasyǵa jańa páter kiltteri tabystaldy, dep habarlaıdy Ulytaý oblysynyń ákimdigi.</p>
Ulytaý oblysynda jyl basynan beri jalpy 53 otbasy páterli bolyp úlgerdi. Búgin tabys etilgen 33 páterdiń jalpy aýmaǵy 1700 sharshy metrge jýyq. Shańyraq ıeleri kiltterin óńir basshysy Berik Ábdiǵalıulynyń qolynan aldy.
- Óńirde jańa turǵyn úılerdiń qurylysy qarqyn alyp keledi. Atap aıtar bolsaq, bıyl Ulytaý oblysy boıynsha 36 myń sharshy metrge jýyq turǵyn úıdiń qurylysy kózdelip otyr, ıaǵnı 400-ge jýyq páterlik úılerdiń qurylysyn bastaý josparda tur. Onyń ishinde 270 páter Jezqazǵan qalasyna tıesili, - dedi oblys ákimi óz quttyqtaý sózinde.
Aıta keteıik, oblysta Naýryz meıramy qarsańynda birqatar mádenı-kópshilik jáne qaıyrymdylyq is-sharalary josparlanyp otyr.